ايماقتار • 05 تامىز، 2022

مۇگەدەكتەردىڭ جاردەماقىسىن جىمقىرعاندار ۇستالدى

30 رەت كورسەتىلدى

قىزىلوردادا الەۋمەتتىك قىزمەت كورسەتۋ ورتالىعىنداعى مۇگەدەكتەردىڭ زەينەتاقىسى مەن جاردەماقىسى جىمقىرىپ، قۇمار ويىندارىنا جۇمساعاندار ۇستالدى، دەپ حابارلايدى Egemen.kz.

 

قىزىلوردا وبلىسىنىڭ پروكۋراتۋراسى پسيحونەۆرولوگيالىق اۋرۋمەن اۋىراتىن 18 جاستان اسقان مۇگەدەكتەرگە ارنالعان ارناۋلى الەۋمەتتىك قىزمەتتەر كورسەتۋ ورتالىعىندا تەكسەرىس جۇرگىزدى.

تەكسەرۋ بارىسىندا ورتالىق قىزمەتكەرلەرى الدىن-الا ءسوز بايلاسۋ جانە مۇگەدەكتەردىڭ اقىل-ەسى كەمدىگىن پايدالانۋ ارقىلى ولاردىڭ بانكتەگى ارنايى شوتىندا جينالعان زەينەتاقى مەن جاردەماقى تولەمىن جىمقىرۋ دەرەگىن انىقتادى.

«اتالعان قىزمەتكەرلەر ورتالىققا جاسىرىن تۇردە ۇيالى تەلەفون كىرگىزگەن. ونىڭ كومەگىمەن مۇگەدەكتەردىڭ بيومەتريالىق جانە جەكە دەرەگىن پايدالانۋ ارقىلى بانكتە ونلاين شوت اشقان. تەلەفونعا كەلگەن راستاۋشى حابارلاما نەگىزىندە ارنايى شوتتاعى قارجىنى اۋدارىپ وتىرعان. ودان كەيىن قارجىنى وزدەرىنىڭ شوتىنا سالىپ، جەكە مۇقتاجدىقتارىنا پايدالانعان. ونىڭ ىشىندە قۇمار ويىندارىنا جۇمساۋ دەرەگى بولعان. بۇگىنگى كۇنگە 6 مۇگەدەكتىڭ 3،8 ملن تەڭگە زەينەتاقىسى مەن جاردەماقىسى جىمقىرىلعانى انىقتالدى»، دەپ ءمالىم ەتتى قىزىلوردا وبلىستىق پروكۋراتۋراسىنان.

ۆەدومستۆو مالىمەتىنشە، اتالعان دەرەك قر قىلمىستىق كودەكسىنىڭ 190-بابى 3-بولىگىنىڭ 3) تارماعىمەن وبلىس پروكۋراتۋراسىندا قاداعالاۋعا الىنعان. ورتالىقتىڭ الەۋمەتتىك قىزمەتكەرى (مۇگەدەكتى ەڭبەككە، ءومىر سۇرۋگە باۋلۋشى) مەن سانيتارعا (مۇگەدەككە قىزمەت كورسەتۋشى) قاتىستى قىلمىستىق ءىس بويىنشا قىزىلوردا قالاسىنىڭ پوليتسيا باسقارماسى تاراپىنان سوتقا دەيىنگى تەرگەپ-تەكسەرۋ جۇرگىزىلۋدە.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار