ءبىلىم • 05 تامىز، 2022

جوعارى اتاققا يە بولعان پەداگوگتەر بىرجولعى تولەماقى الادى

50 رەت كورسەتىلدى

قازىرگى ۋاقىتتا اۋىل مەكتەپتەرىندەگى پەداگوگ ماماندار 400 مىڭ تەڭگەگە جۋىق جالاقى الىپ وتىر. بۇل تۋرالى قر وقۋ-اعارتۋ ۆيتسە ءمينيسترى عاني بەيسەمباەۆ ايتتى، دەپ حابارلايدى Egemen.kz.

«قازىرگى كەزدە پەداگوگتەردىڭ جالاقىسىن كوتەرۋ ماقساتىنداعى ءىس-شارالار 2020 جىلدىڭ قاڭتار ايىنان باستالدى. بۇل باعىتتاعى جۇمىستار 2023 جىلى اياقتالادى. سونىمەن قاتار اتتەستاتسيادان جانە بىلىكتىلىكتى ارتتىرۋدان وتكەن ءبىزدىڭ ۇستازدار ءۇشىن قوسىمشا تولەمدەر ەسكەرىلگەن. وسى قوسىمشا تولەمدەر مەن ۇستەمەاقىنى، جالاقىنى ءوسىرۋدى ەسكەرە وتىرىپ، اۋىل مەكتەبىندەگى پەداگوگ ورتاشا ەسەپپەن 400 مىڭ تەڭگەگە تارتا الىپ وتىر»، دەدى ع.بەيسەمباەۆ «حابار 24» ارناسىنا بەرگەن سۇحباتىندا.

ونىڭ ايتۋىنشا، 2021 جىلدان بەرى 26 پەداگوگ العاش رەت «قازاقستاننىڭ ەڭبەك سىڭىرگەن ۇستازى» اتاعىن الدى.

«قازاقستاننىڭ ەڭبەك سىڭىرگەن ۇستازى» مەملەكەتتىك ناگراداسى مۇعالىمدەرگە ۇزدىك جەتىستىكتەرى مەن مەملەكەت الدىنداعى ەرەكشە ەڭبەگى ءۇشىن بەرىلەدى. جوعارى اتاققا يە بولعان پەداگوگ 1 000 اەك (شامامەن 3 ملن تەڭگە) مولشەرىندە بىرجولعى تولەم الادى.

«مۇنىمەن قوسا، مەملەكەت ۇزدىك مۇعالىمدەرگە قولداۋ كورسەتىپ كەلەدى. ۇزدىك مۇعالىم اتاعىن العان پەداگوگتەر 1 مىڭ اەك مولشەرىندە سىياقى الادى. وسى ورايدا مەملەكەت جاساپ وتىرعان قولايلى جاعدايدىڭ ارقاسىندا ءبىلىمدى وقۋشىلار سانى ارتانىنىنا سەنىمىمىز مول»، دەدى ۆيتسە-مينيستر ءوز سوزىندە.

سوڭعى جاڭالىقتار

2186 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:30

ەلوردا «جاسىل» ايماققا ءوتتى

كوروناۆيرۋس • بۇگىن، 09:13

1/16 فينالعا شىعا المادى

تەننيس • بۇگىن، 08:45

ۇقساس جاڭالىقتار