ايماقتار • 05 تامىز، 2022

كوكشەتاۋداعى باعانى تۇراقتاندىرۋ قورىنىڭ جۇمىسى ءتيىمسىز بولىپ شىقتى

اقمولا وبلىسىنداعى «KOKSHE» الەۋمەتتىك-كاسىپكەرلىك كورپوراتسياسىنىڭ جۇمىسىندا بىرقاتار كەمشىلىك انىقتالدى، دەپ حابارلايدى Egemen.kz.

بوتاكوز باقبەرگەن

«2014 جىلدان باستاپ كورپوراتسيا بىرلەسكەن جوبالاردى ىسكە اسىرۋ ءۇشىن شامامەن 40-قا جۋىق جشس قۇرعاندىعى انىقتالدى. الايدا ولاردىڭ كوپشىلىگى ءىس جۇزىندە ءوز قىزمەتىن جۇزەگە اسىرمايدى. تالداۋ كورسەتكەندەي، بۇگىنگى كۇنى الەۋمەتتىك-كاسىپكەرلىك كورپوراتسياسى شىعىندى كاسىپورىن جانە نەگىزىنەن اكىمدىكتىڭ قارجىلىق قولداۋى ەسەبىنەن جۇمىس ىستەۋدە»، دەلىنگەن اقمولا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى تاراتقان حابارلامادا.

ۆەدومستۆودان اتاپ وتكەندەي، تۇراقتاندىرۋ قورىنىڭ قىزمەتىندە دە تيىمدىلىكتىڭ جەتكىلىكسىزدىگى بايقالادى. تۇراقتاندىرۋ قورىنان ازىق-ت ۇلىك ونىمدەرىن تومەندەتىلگەن باعامەن ساتۋ وبلىس ورتالىعىندا عانا 4 ساۋدا پاۆيلونى ارقىلى جۇزەگە اسىرىلدى. بۇل ءوڭىردىڭ بارلىق حالقىنىڭ قاجەتتىلىگىن وتەمەيدى.

«الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋعا ارنالعان بيۋدجەت قاراجاتى ماقساتتى جۇمسالماعان. ال تۇراقتاندىرۋ قورىنىڭ جۇمىس تەتىگىنىڭ ءوزى ءتيىمسىز بولىپ شىقتى. بۇدان باسقا، كاسىپكەرلىك باسقارماسى تاراپىنان الەۋمەتتىك-كاسىپكەرلىك كورپوراتسياسى قىزمەتىنە ءتيىستى باقىلاۋ جوق. سىرتقى تالداۋ بارىسىندا الەۋمەتتىك-كاسىپكەرلىك كورپوراتسياسى تەڭگەرىمىندە جايىلىمعا ارنالعان جالپى اۋدانى 1 372 گا 17 جەر ۋچاسكەسى بار ەكەنى انىقتالدى. الايدا بۇل جەرلەر ماقساتىنا قاراي پايدالانىلمايدى. بۇل رەتتە اۋىل تۇرعىندارى جەكە اۋلاداعى مال جايۋ ءۇشىن جايىلىمدىق جەرلەردىڭ تاپشىلىعىنا شاعىمدانادى. تالداۋ بارىسىندا انىقتالعان سىبايلاس جەمقورلىق تاۋەكەلدەرىن جويۋ ءۇشىن وبلىستىق اntikor ءتيىستى ۇسىنىستار ەنگىزدى»، دەپ تولىقتىردى ۆەدومستۆودان.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز