Zhas Project: NEET جاستارعا نازار

Zhas Project جوباسى ۇكىمەتتىڭ بيىلعا ارنالعان ءىس-قيمىل باع­دارلاماسى شەڭبەرىندە ال­ماتى، جەتىسۋ، قاراعاندى، ۇلىتاۋ، ماڭ­عىستاۋ جانە تۇركىستان وبلىس­تا­رىندا قاناتقاقتى رەجىم­دە ىسكە اسىرىلىپ جاتىر. اقپارات جانە قوعامدىق دامۋ مينيستر­لىگى جاستار جانە وتباسى ىستەرى جونىندەگى كوميتەتتىڭ توراعاسى قايرات بايمولدينوۆتىڭ ايتۋىنشا، جوبا الەۋمەتتىك جاعدايى تومەن جاستاردىڭ باستامالا­رىن قولداۋعا جانە جاستاردى الەۋ­مەتتىك-ەكونوميكالىق ومىر­گە تار­تۋعا باعىتتالعان. وسى­لاي­شا، جاس­­تاردى قولداپ،  قوعام­داعى ورنىن تابۋى­نا، پايدالى قىزمەتتەرگە ­تارتۋ ارقىلى جۇ­مىس­سىز جاستاردىڭ سانىن ازايتۋدى كوزدەيدى. گرانت­تىق باعدارلاما­عا 14 پەن 29 جاس ارالىعىندا­­عى جاستار قاتىسا الادى. جۇمىس ىستەمەيتىن، وقۋ وقىمايتىن جانە جۇمىس ىستەي­تىن تابىسى تومەن ادامدارعا باسىم­دىق بەرىلەدى. وسى جىلى 250 جوبا قولداۋ تاپپاق. گرانتتاردى الماتى جانە جەتىسۋ وبلىستارىندا «تامشىبۇلاق» قوعامدىق بىرلەستىگى، قاراعاندى جانە ۇلىتاۋ وبلىستارىندا «جاس ۇلان» ۇيىمى، ماڭعىستاۋ وبلىسىندا «تۇپقاراعان جاستارى» ۇيىمى، تۇركىستان وبلىسىندا قازاقستان جاستارىنىڭ كونگرەسى ۇيلەستىرەدى. ءوتىنىم قابىلداۋ 10 تامىزعا دەيىن جالعاسادى. ىرىكتەۋدەن وتكەن ۇزدىك الەۋمەتتىك جوبالاردى جۇزەگە اسىرۋعا قايتارىمسىز 1 ملن تەڭگە بەرىلەدى. بايقاۋدىڭ بيىلعى ەرەكشەلىگى گرانتتى جەڭىمپازدىڭ قولىنا قارجىلاي بەرمەيمىز. سەبەبى قارجىنى باسقا ماقساتقا جۇمساپ جىبەرۋى مۇمكىن دەگەن قاۋىپ بار. ءبىز ءۇشىن گرانتتىڭ ءوز ماقساتىنا جۇمسالعانى ماڭىزدى. وتكەن تاجىريبەلەرگە قاراپ، وسىنداي شەشىمگە كەلدىك. قازىر ءاربىر ادامنىڭ باسىندا نەسيە بار، گرانتتى ۇتىپ العاندار وسىنداي نەسيەلەرىن جاۋىپ، ۇيالى تەلەفون ساتىپ الىپ، گرانت قارجىسىن ءتيىمسىز جۇمساعاندارى كەزدەستى. سوندىقتان جوباعا قاجەتتى تەحنيكا، قۇرال-جابدىقتار ساتىپ الاتىن بولسا، قارجى تىكەلەي قىزمەت كورسەتۋشى مەكەمەگە اۋدارىلادى»، دەدى «ازاماتتىق باستامالاردى قولداۋ ورتالىعى» زتب باسقارما توراعاسىنىڭ مىندەتىن اتقارۋشى عالىم قۇرمان ورتالىق كوممۋنيكاتسيالار الاڭىندا وتكەن بريفينگتە.

قاتىسۋشىلاردىڭ جوبالارى 16 باعىت بويىنشا جۇزەگە اسىرىلادى. قارجىلىق قولداۋدان بولەك، جوبا «مەنتورلىق قولداۋعا» يە بولادى. «مەنتورلار جوبا بويى قاتىسۋشىلارعا يدەيالارىن قالاي جۇزەگە اسىرۋ، قۇجاتتارىن ازىرلەۋ سەكىلدى قىزمەتتەردىڭ قىر-سىرىن ۇيرەتەدى. ياعني قاتىسۋشىلار جوبالاردى باسقارۋ بويىنشا ترەنينگتەردەن وتەدى»، دەدى ۇيىمداستىرۋشىلار.

قازىرگى تاڭدا Zhas Project جوباسىنىڭ گرانتىنا ۇمىتكەر­لەر­دەن 24 ءوتىنىم كەلىپ تۇسكەن. الماتى وبلىسى بويىنشا 9، تۇر­كىس­تان وبلىسى 7، ماڭعىستاۋ وبلىسى 6 جانە قاراعاندى وبلىسىنان 2 ءوتىنىم قابىلدانعان.

«تۇركىستان وبلىسىنداعى جاس­تار سانى باسقا وبلىستارعا قارا­عاندا ەڭ كوپ – 500 مىڭعا جۋىق. ارينە، ولاردىڭ ءوز ماسەلەلەرى بار. جاستارمەن كەزدەسىپ، بىرلەسە جۇ­مىس ىستەۋگە شاقىردىق. جوباعا قاتىسۋ ءۇشىن جاستار www.zhasproject-turkestan.kz سايتىندا تىركەلۋگە ءتيىس. تىركەۋ بىرنەشە ساتىدان تۇرادى. ول ءۇشىن جەكە تەلەفون نومەرىن كورسەتىپ، جەكە كۋالىگىن جانە وسى وبلىستا تىر­كەلگەنىن دالەلدەيتىن egov-تان سكريندى جۇكتەيدى. سونداي-اق تىر­كەلۋشى قانداي دا ءبىر وسال توپ­قا جاتاتىنىن كورسەتەتىن انىق­تامانى جۇكتەۋى كەرەك»، دەدى «قازاقستان جاستارى كونگرەسى» قاۋىمداستىعى زتب اتقارۋشى ديرەكتورى توقتار بولىسوۆ.

نەگىزى تۇركىستان وبلىسى بويىنشا Zhas Project جوباسى­مەن ءۇش رەسپۋبليكالىق ۇيىم – قازاقستان جاستارىنىڭ كون­گرەسى، ۇلتتىق ۆولونتەرلىك جەلى، «جاسىل ەل» جاستار ەڭبەك جاساق­تا­رىنىڭ رەسپۋبليكالىق شتابى اينالىسقان. جوبانى ىسكە اسىرۋدىڭ بۇكىل كەزەڭىندە 9 796 جاس قاتىسىپ، 2 908 جوباعا قولداۋ كورسەتىلگەن.

قاراعاندى جانە ۇلىتاۋ وبلىستارىنداعى حالىقتىڭ بەستەن ءبىر بولىگىن جاستار قۇرايدى. «سوندىقتان بۇل جوبا جاستار ءۇشىن كەرەمەت مۇمكىندىك بولىپ وتىر»، دەيدى وڭىرلەردەگى ۇيلەستىرۋشىلەر. «قاراعاندى مەن ۇلىتاۋ وڭىرلەرىندە، باسقا وبلىستارداعىداي، سوماسى 1 ميلليون تەڭگەگە دەيىنگى 63 جوباعا قولداۋ كورسەتىلەدى. سوندىقتان جاستاردى كونكۋرسقا قاتىسۋعا شاقىرامىز. ارنايى وقىتۋ دا قاراستىرىلعان، وندا قاتىسۋشىلارعا كاسىپكەرلىك نەگىزدەرى، جەكە كاسىپكەرلىكتى قالاي تىركەۋ، جوبالىق مەنەدجمەنت داعدىلارى تۇسىندىرىلەدى. قارا­عاندى قالاسىندا فرونت-وفيس اشىل­دى، كولل-ورتالىق جۇمىس ىستەيدى. سونداي-اق قاراعاندى جانە ۇلىتاۋ وبلىستارىنىڭ ءار اۋدا­نىندا جوبا ۇيلەستىرۋشىلەرى بار. ولاردىڭ ءتىزىمى zhasproject-karaganda.kz سايتىندا جاريا­لانعان. وتىنىمدەر وسى سايت ارقى­لى دا قابىلدانادى. ايتا كەتە­تىنى، قاراشا ايىندا قاراعاندى قالا­سىندا ۇزدىك تاجىريبەلەر فو­رۋ­مىن وتكىزۋ جوسپارلانىپ وتىر، وعان ءوز جوبالارىن تابىس­تى ىسكە اسىرعان جەڭىمپازدار شا­قى­رىلادى. فورۋمعا الەۋەتتى ين­ۆەس­تورلار، بيزنەسمەندەر، مۇد­دەلى مەملەكەتتىك ورگانداردىڭ وكىلدەرى دە قاتىسادى»، دەدى «جاس ۇلان» بىرىڭعاي بالالار-جاستار ۇيىمى» رقب ءتورايىمى دينارا سادۋاقاسوۆا.

وسى ۋاقىتقا دەيىن اتالعان جوباعا 10 مىڭعا جۋىق جاس قا­تىسقان. 4 جىل ىشىندە ەكى مىڭنان اسا الەۋمەتتىك جوبا جۇزەگە اسى­رىلعان. اتاپ وتكەنىمىزدەي، باي­قاۋ وتىنىمدەرى جەرگىلىكتى حالىق­قا كومەگىن تيگىزەتىن الەۋمەتتىك جوباعا باعىتتالۋى شارت. «قا­زاقستان جاستارى كونگرەسى» قا­ۋىم­داستىعى زتب اتقارۋشى ديرەكتورى توقتار بولىسوۆتىڭ ايتۋىنشا، رەسپۋبليكا بويىنشا وسى كۇنگە دەيىن قولداۋ تاپقان الەۋمەتتىك جوبالاردىڭ 60-65 پايىزى قازىر جۇمىس ىستەپ تۇر. ماسەلەن، اۋىل­دىق جەرلەردە تىلدىك كۋرستار، كومپيۋتەرلىك كلۋبتار اشىلىپ، ەت جانە ءسۇت ءوندىرىسى، تاماق ونەر­كاسىبى قۇرىلعان، سۇلۋلىق، تىگىن سالون­دارى ىسكە قوسىلعان.

سونداي-اق سپورت زالدارى مەن جىلىجايلار، مال شارۋاشىلى­عىن قولعا العان جاستار ءالى كۇنگە كاسىبىن تابىستى جالعاستىرىپ وتىر. جوبا اياسىندا، سونىمەن قاتار اقتوبەدە اياقكيىم وندىرەتىن تسەح، الماتى وبلىسىندا فوتو-ۆيدەو ستۋدياسى، جامبىل وبلىسىندا قىمىز ورتالىعى اشىلعان. كەنتاۋ قالاسىندا گرانت يەلەنگەن جوبالاردىڭ باسىم بولىگى مەديتسينالىق ماسساج جانە ترە­ناجەر زالى، قۇس فەرماسى، كوندي­تەرلىك، مال شارۋاشىلىعى، اعىل­شىن ءتىلى كلۋبى، شاشتاراز، تىگىن شەبەرحاناسى، ۇلتتىق نا­قىش­تاعى سومكە تىگۋ مەن براين كىتابىن شىعارۋ سىندى يدەيالارعا قۇرالعان. Zhas Project جوباسى كاسىپكەرلىك اشۋدى مىندەتتەمەسە دە، جاستاردىڭ تالاپتارىنا بايلانىستى قولعا العان ءىسىن بولاشاقتا تابىس كوزىنە اينالدىرىپ، جەكە كاسىپكەر رەتىندە العا باستايتىن قوزعاۋشى كۇش بولىپ قالا بەرمەك.