«قالادا ساموكاتتارعا قاتىستى شەشىم قابىلداندى, تارتىپكە كەلتىرۋگە كىرىستىك. بىراق, زاڭنىڭ قابىلدانۋىن كۇتىپ وتىرمىز. زاڭعا ەنگىزىلەتىن وزگەرىستەر مەن تولىقتىرۋلار بيىل كۇزدە قابىلدانادى. قالا دەڭگەيىندە مەردىگەرلەرمەن مەموراندۋمعا قول قويدىق, ولار قازىردىڭ وزىندە ساياباق اۋماقتارىنان شىقتى. قازىر وسى ءۇش ءىرى وپەراتورعا ارنايى اۆتوتۇراقتاردى قاراستىرىپ جاتىرمىز. ءتارتىپ بۇزۋشىلار – ەرەجەلەردى ساقتامايتىن قالانىڭ جاس تۇرعىندارى. مەموراندۋم اياسىندا تامىزدىڭ اياعىنا دەيىن ءتارتىپ الدەقايدا جاقسارادى دەپ سەنەمىز. زاڭ شىققانشا, بۇل ماسەلەنى قالامىزدىڭ ىشكى شەشىمدەرىمەن قاراستىرامىز», دەدى الماتى اكىمى ەربولات دوساەۆ.
قالالىق موبيلدىلىك باسقارماسىنىڭ باسشىسى عاني مىرزاحانوۆتىڭ ايتۋىنشا, الماتىدا ورتاق سەرىكتەستىكتەردىڭ ەلەكترلى ساموكاتتارىنا قازىردىڭ وزىندە شەكتەۋ قويىلعان.
«جىلدامدىق ساعاتىنا 25 شاقىرىم. بۇل – ساموكات تەبۋدى ەندى ۇيرەنىپ جۇرگەندەرگە. ال, ساموكات تەبۋدى ۇيرەنبەگەندەرگە ساعاتىنا شامامەن 20 شاقىرىم بولادى», دەدى عاني مىرزاحانوۆ.
