ماتچقا ارنايى نيدەرلاندتىق مامان ارنو پايپەرس كەلەدى. بۇدان بولەك, اتالعان كەزدەسۋگە مادريدتىك «رەال» مەن ميلاندىق «ينتەردىڭ» ەكس-ويىنشىسى ەستەبان كامبياسسو قاتىسادى.
فينالدىق ىرىكتەۋدىڭ جەڭىمپازدارى ءبىر اي بويى تالعارداعى ۇلتتىق قۇرامانىڭ بازاسىندا دايىندىق جاساپ جاتىر. ءار اپتا سايىن جىگىتتەر جولداستىق كەزدەسۋلەردى وتكىزۋدە. ولار ءۇشىن بالا كەزدەگى كۋميرلەرىنە قارسى ويناۋ ناعىز ەمتيحان بولماق. جوبا Freedom Broker ينۆەستيتسيالىق كومپانياسىنىڭ قارجىلىق كومەگىمەن جانە قر پرەزيدەنتى جانىنداعى Dara دارىندىلاردى قولداۋ قورىنىڭ باستاماسىمەن جۇرگىزىلۋدە.
قازاقستاننىڭ اڭىزدار قۇراماسىندا الاڭعا سامات سماقوۆ, داۆيد لوريا, نۇربول جۇماسقاليەۆ, اندرەي كارپوۆيچ, اعايىندى ازوۆسكيلەر, فارحادبەك يريسمەتوۆ, دميتري بياكوۆ, الەكساندر كۋچما, ماكسيم جالماگامبەتوۆ, قايرات اشىربەكوۆ, دانيار مۇقانوۆ, سەرگەي بويچەنكو, يۋري نوۆيكوۆ, يگور سولوشەنكو, رۋسلان بالتيەۆ, ەدۋارد سەرگيەنكو جانە دە ۇلتتىق قۇرامانىڭ 2006-2008 جىلعى باسقا دا ويىنشىلارى شىعادى.
بۇرىنعىداعىداي, ارداگەرلەردىڭ باس باپكەرى ارنو پايپەرس بولسا, ماتچتىڭ شوق جۇلدىزى, مادريدتىك «رەال» مەن ميلاندىق «ينتەردىڭ» ەكس-ويىنشىسى ەستەبان كامبياسسو بولماق. ول قازاقستاننىڭ جۇلدىزدار قۇراماسىندا ونەر كورسەتەدى.
ماتچ Qazsport ارناسىندا تىكەلەي ەفيردە كورسەتىلەدى.
بۇدان بولەك, ماتچ الەۋمەتتىك تۇرعىدان ەرەكشەلەنبەك. بيلەتتەردەن تۇسكەن قارجى قايىرىلىمدىلىققا جۇمسالادى.
