ءماجىلىس جوعارى باعالاندى

كەشە ازيا دامۋ بانكى باسقارۋشىلار كەڭەسىنىڭ 47-ءشى ءماجىلىسى اياقتالدى. سوعان وراي ادب پرەزيدەنتى تاكەحيكو ناكاو قورىتىندى ءباسپاسوز ءماسليحاتىن وتكىزدى. ءباسپاسوز ءماسليحاتى بارىسىندا تاكەحيكو ناكاو قازاقستانداعى ءماجىلىس وتە جوعارى دەڭگەيدە ۇيىمداستىرىلعانىن اتاپ ءوتتى. ول  جيىن بارىسىندا وتە ماڭىزدى ماسەلەلەر تالقىلانعانىن تىلگە تيەك ەتە وتىرىپ, وندا قابىل­دان­عان شەشىمدەر, پىكىر الماسۋلار ازيا دامۋ بانكىنىڭ الداعى جۇ­مىسىنا بارىنشا ءتيىمدى ىقپال ەتەتىنىنە سەنىم ءبىلدىردى. بانك پرە­زيدەنتى, سونداي-اق, ءماجىلىستى ۇيىمداستىرۋعا اتسالىسقاندارعا العىسىن ايتتى. تاكەحيكو ناكاو ءوزىنىڭ قورى­تىندى سوزىندە 10 نەگىزگى ماسەلەگە توقتالدى. ياعني, ءتورت كۇنگە سو­زىل­عان شارادا قانداي شەشىمدەر قابىلداندى, پىكىر الماسۋ الاڭىندا قانداي ماسەلەلەر قامتىلدى, مىنە, وسىلاردىڭ بارلىعىن سۇرىپتاي كەلە, ول نەگىزگى ماسەلەگە باسىمدىق بەردى. بىرىنشىدەن, بۇل ماجىلىستە قاتىسۋشىلاردىڭ كوبى الەمدىك جاعدايدىڭ ءالى دە تۇراقتالماعانىنا الاڭداۋشىلىقتارىن ءبىلدىردى. ءبىز بۇل تۇرعىدا, الدا كەزدەسۋى مۇمكىن قيىندىقتارعا توتەپ بەرۋ ءۇشىن الدىمەن ماكروەكونوميكالىق باسقارۋعا ايرىقشا كوڭىل ءبولۋىمىز كەرەك دەدى, ت.ناكاو. وسى رەتتە, ازيا دامۋ بانكى الداعى ۋاقىتتا دا  دامۋشى ەلدەرگە بارىنشا قولداۋ كورسەتپەك. سونداي-اق, ول 47-ءشى ماجىلىستە ماڭىزدى بولعان ەكىنشى ماسەلە – ازيا دامۋ بانكىنىڭ 2020 جىلعا دەيىنگى دامۋ ستراتەگياسىنىڭ ورىندالۋ بارىسى بولعانىن جەتكىزدى. ءۇشىنشىسى, الەۋمەتتىك تۇرعىدان از قامتىلعان حالىقتى بارىنشا قولداۋ, كەدەيشىلىكپەن كۇرەس جاعدايىنا كۇش سالۋ سياق­تى الەۋمەتتىك ماسەلەلەر دە نازار­دا بولعان. تورتىنشىدەن, كليمات­تىڭ وزگەرۋىنە قاتىستى تۋىنداي­تىن قيىندىقتاردى جويۋ, الدىن الۋ ماسەلەسىن ايتساق, بەسىنشى­دەن, ايماقتارداعى ينفراقۇ­رى­لىم­داردى دامىتۋدى قارجىلان­دىرۋ جايى دا بارىنشا قامتىل­دى. التىنشىسى, سوڭعى كەزدەر­دەگى حالىقتىڭ قارتايۋى پروبلە­ما­سى­نىڭ ورىن الۋى, كوشى-قون, اۋىل­داردان قالاعا قاراي ۇدەرە كوشۋ, قورشاعان ورتاعا قامقورلىق جايى دا  ءماجىلىس مىنبەرىندە قىزۋ تالقىلاندى. جەتىنشى, ازيا دامۋ بانكىنە مۇشە ەلدەردىڭ بارلىق سالاداعى ءمۇم­كىندىكتەرىن, مەملەكەتتىك باس­قارۋ, بيۋدجەت جۇيەسىنە, قارجى سا­لاسىن دامىتۋعا ىقپال ەتۋ, جەكە كاسىپكەرلىكتى دامىتۋ سياقتى ماسەلەلەرگە دە  قولداۋ كورسەتۋ.  سەگىزىنشى, ازيا دامۋ بانكىنىڭ ءتيىمدى ءارى وڭتايلى ۇيىم بولىپ قالۋىنا كۇش سالۋ. بۇل رەتتە اكىم­شىلىكتىك شىعىندارعا مۇقيات بولىپ, قارجىنى ءتيىمدى پايدا­لانۋدى نازاردا ۇستاماق. توعى­زىنشى, ادب قارجىسىن يەمدە­نۋگە دەگەن قۇلشىنىس جايى. ونىنشى, قارجىلىق قۇرىلىمدار جۇ­مىسىن جۇيەلەندىرۋ, نەسيە بەرۋ مۇمكىندىكتەرىن وڭتايلاندىرۋ, باسقارۋ قۇرىلىمىن جاڭعىرتۋ سياقتى ماسەلەلەر قامتىلدى. ونىڭ ىشىندە ازيا دامۋ بانكىنىڭ ايماقتارداعى ءرولىنىڭ ستراتەگياسىن جاساۋ دا بار ەكەندىگىن دە مالىمدەدى تاكەحيكو ناكاو. باسقارۋشىلار كەڭەسى بۇل باسىمدىقتارعا سۇيەنە وتىرىپ, الداعى جۇمىستارىن جۇيەلەپ, جانداندىرا تۇسپەك. دينارا بىتىكوۆا, «ەگەمەن قازاقستان».