باس ديرەكتورمەن وتكەن جۇزدەسۋ

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ بۇۇ ونەركاسىپتى دامىتۋ جونىندەگى ۇيىمىنىڭ (يۋنيدو/UNIDو) باس ديرەكتورى لي يۋنمەن ونىڭ استانادا اياقتالعان ازيا دامۋ بانكى باسقارۋشىلار كەڭەسىنىڭ 47-ءشى سەسسياسىنا قاتىسۋى اياسىندا كەزدەستى. كەزدەسۋ بارىسىندا قر ءسىم باسشىسى ل.يۋندى جاقىندا وسى جوعارى لاۋازىمعا سايلان­عانىمەن قۇتتىقتاپ, ۇيىمنىڭ دامۋشى ەلدەردەگى «ينكليۋزيۆتى جانە تۇراقتى ونەركاسىپتىك دامۋىنا» ىقپال جاساۋ بويىنشا جاڭا تۇجىرىمداماسىن جۇزەگە اسىرۋدا تابىستار تىلەدى. «مۇشە مەم­لەكەتتەر تاراپىنان قابىل­دانعان يۋنيدو-نىڭ جاڭا تۇجى­رىمداماسى 2015 جىلى مىڭ­جىلدىقتىڭ دامۋ ماقساتىن الماستىراتىن تۇراقتى دامۋ ماقساتىندا ونەركاسىپتىك دامۋ ينديكاتورلارى تۇرىندە ءوز سيپاتىن تابۋى قاجەت», دەپ اتاپ ءوتتى ە.ىدىرىسوۆ. سۇحباتتاستار قا­زاقستان مەن يۋنيدو اراسىن­داعى قارقىندى دامىپ كەلە جات­قان ىنتىماقتاستىقتى ريزا­شى­لىقپەن اتاپ ءوتتى. ىنتىماق­تاستىقتىڭ ماڭىزدى باعىتتارىنا ونەركاسىپتى جاڭعىرتۋ, ونەر­كاسىپتىك ەنەرگوتيىمدىلىك, ساۋدا الەۋەتىن نىعايتۋ, تەحنولوگيالىق فورسايت جانە ونەركاسىپتىك ستاتيس­تيكا كىرەدى. «وسى ورايدا, يۋنيدو-نىڭ قازاقستان ءۇشىن شەكتەلمەلى ەلدىك باعدارلاماسىن جاقىن ارادا قابىلداۋ وزەكتىلىگىن راستاعىم كەلەدى جانە بۇل ءوز كەزەگىندە ءبىزدىڭ ونەركاسىپتىك دامۋ سالاسىنداعى ءوزارا ىقپالداستىعىمىزدى جاڭا دەڭگەيگە كوتەرۋگە سەپتى­گىن تيگىزەدى. يندۋستريالىق دا­مۋ بويىنشا مەملەكەتتىك باع­دار­لامانىڭ 2015-2019 جىلدارعا ارنالعان ەكىنشى بەس­جىلدىعىن جاساۋ مەن جۇرگىزىلىپ وتىرعان يندۋستريالاندىرۋ سايا­ساتىنا بايلانىستى قازاقستان ءۇشىن ۇيىمنىڭ ساراپتامالىق الەۋەتىن تارتۋ, سونىڭ ىشىندە نوۋ-حاۋ مەن تەحنيكالىق تاجىريبەنى قولدانۋ اسا قىزىعۋشىلىق تۋدىرۋدا», دەدى سىرتقى ساياسات ۆەدومستۆوسىنىڭ باسشىسى. يۋنيدو-نىڭ دامۋشى ەلدەرگە ولاردىڭ ونەركاسىپتىك دامۋىنا ىقپال جاساۋ جونىندەگى زور تاجىريبەسىن ەسكەرە وتىرىپ, تاراپتار قازاقستاننىڭ حالىقارالىق جوبالارى مەن باس­تامالارىن ىسكە اسىرۋ بويىنشا ءوزارا ىنتىماقتاسۋ مۇمكىندىگىن قاراستىردى. اتاپ ايتقاندا, ە.ىدىرىسوۆ يۋنيدو باسشىسىن «جاسىل كوپىر» ارىپتەستىك باعدارلاماسىن جۇزەگە اسىرۋعا بەلسەندى اتسالىسۋعا شاقىردى جانە ۇيىمعا ەكسپو-2017 حالىقارالىق كورمەسىنە قاتىسىپ, يۋنيدو-نىڭ تۇراقتى ەنەرگيا سالاسىنداعى جەتىستىكتەرىن پاش ەتۋگە ۇندەدى. سۇحباتتاسىن قازاقستان وسى ۋاقىتقا دەيىن بۇۇ-دا 18 جىل وكىلدىك ەتەتىنى تۋرالى اقپا­رات­تاندىرا وتىرىپ, قر ءسىم باسشىسى ءبىزدىڭ ەلىمىزدىڭ اتالعان ۇيىم­داردىڭ الماتىداعى قىزمە­تىن بۇۇ ايماقتىق حابىن قۇرۋ ارقىلى كەڭەيتۋ جونىندەگى ۇسىنىسىن جەتكىزدى. «ءبىز يۋنيدو حا­لىقارالىق ونەركاسىپتىك ىنتى­ماقتاستىق ورتالىعىنىڭ قازاق­ستاندا اشىلۋىنا دا مۇددەلىمىز», دەدى ە.ىدىرىسوۆ.