كەشە ەلورداداعى ۇلتتىق اكادەميالىق كىتاپحانادا قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ جىل سايىن وتەتىن كەزەكتى وتىرىسى ۇيىمداستىرىلدى. اتالعان شارا ۇلتتىق كوميسسيانىڭ جاڭادان تاعايىندالعان توراعاسى – مادەنيەت مينيسترى ارىستانبەك مۇحامەدي ۇلىنىڭ توراعالىعىمەن ءوتتى.
جيىندا العاشقى باياندامانى جاساعان يۋنەسكو-نىڭ الماتى قالاسىنداعى كلاستەرلىك بيۋروسىنىڭ ديرەكتورى سەرگەي لازارەۆ بىلتىر استانادا وتكىزىلگەن «مىڭجىلدىق دامۋ ماقساتتارىنىڭ» ماسەلەلەرى تالقىلانعان ايماقارالىق فورۋمنىڭ ءبىلىم سالاسىن جەتىلدىرۋگە جانە 2015 جىلدان كەيىنگى دامۋ ستراتەگياسىن جاساۋعا ارنالعانىن اتاپ ءوتتى. ەلىمىزدىڭ يۋنەسكو مەن يسەسكو ۇيىمداستىراتىن عىلىمي جوبالاردىڭ جانە ءبىلىم بەرۋ كۋرستارىنىڭ, سونداي-اق, حالىقارالىق ستيپەنديالاردىڭ تۇراقتى قاتىسۋشىسى ەكەنىن مالىمدەدى. سونىڭ ىشىندە وتكەن جىلى رەسپۋبليكا ءبىلىم جانە عىلىم مينيسترلىگىنىڭ يۋنەسكو-نىڭ «بارلىعى ءۇشىن ءبىلىم» جانە «تۇراقتى دامۋ ءۇشىن ءبىلىم» باعدارلامالارىنا قاتىسقانىن باياندادى.
«ماتەريالدىق مادەني ەسكەرتكىشتەردى قورعاۋ بويىنشا وتكەن جىلدىڭ باسىندا قازاقستان قىتاي جانە قىرعىزستانمەن بىرلەسىپ «جىبەك جولى: باستاپقى بولىك جانە تيان-شان ءدالىزىنىڭ جول جەلىسى» اتتى جوبا دايىنداعان بولاتىن. جوبانىڭ ءبىرىنشى كەزەڭىندە جىبەك جولىنىڭ جەتىسۋ بولىگىندەگى سەگىز نىسان, اتاپ ايتقاندا, الماتى وبلىسىنداعى تالعار, قايالىق, قارامەرگەن ەسكى قالالارى مەن جامبىل وبلىسىندا ورنالاسقان اقتوبە, ورنەك, قۇلان, قوستوبە, اقىرتاس ەجەلگى قالالارى ۇسىنىلدى. بىلتىر اقپان ايىندا اتالعان جوبا يۋنەسكو-نىڭ بۇكىلالەمدىك مۇرا ورتالىعىنا تابىستالدى», دەدى سەرگەي لازارەۆ. ول سونداي-اق, يۋنەسكو-نىڭ «ادام جانە بيوسفەرا» باعدارلاماسى بويىنشا ۇلتتىق كوميتەتىمەن بىرگە جاسالعان جۇمىستىڭ ءناتيجەسىندە 2013 جىلى الاكول مەملەكەتتىك تابيعي قورىعى يۋنەسكو-نىڭ بيوسفەرالىق رەزەرۆاتتار دۇنيەجۇزىلىك جەلىسىنە ەنگىزىلگەنىن جانە وسى كوميتەتپەن كاتون-قاراعاي ۇلتتىق ساياباعىنا بيوسفەرالىق رەزەرۆات مارتەبەسىن الۋ تۋرالى جانە الداعى ۋاقىتتا قازاقستان رەسپۋبليكاسى مەن رەسەي فەدەراتسياسىنىڭ شەكارا بويىنداعى ايماقتارىندا «التاي» ترانسشەكارالىق بيوسفەرالىق رەزەرۆاتىن قۇرۋ جايلى ءماسەلە تالقىلانىپ جاتقانىن ايتتى.
مادەنيەت ءمينيسترىنىڭ ورىنباسارى اسقار بورىباەۆ ۇلتتىق كوميسسيانىڭ مادەنيەت سالاسى بويىنشا وتكەن جىلعى جۇمىسىن قورىتىندىلاي وتىرىپ, ەكى نىسانعا ەرەكشە توقتالدى. ونىڭ ءبىرى قوجا احمەت ياساۋي كەسەنەسى دە, ەكىنشىسى تامعالى پەتروگليفى. وتكەن جىلدىڭ جەلتوقسان ايىندا تۇركىستان قالاسىندا «يۋنەسكو-نىڭ بۇكىلالەمدىك مۇرا وبەكتىسى – قوجا احمەت ياساۋي كەسەنەسىنىڭ ساقتالۋ جاعدايى» تاقىرىبىندا دوڭگەلەك ۇستەل وتكىزىلگەن. شارانىڭ ماقساتى – كامبودجانىڭ پنومپەن قالاسىندا وتكەن يۋنەسكو-نىڭ بۇكىلالەمدىك مۇرا كوميتەتىنىڭ 37-سەسسياسىندا قابىلدانعان شەشىمدى قاراستىرۋ بولعان. اتالمىش كوميتەت كەسەنەنىڭ ساقتالۋ جاعدايى تۋرالى, بۋفەرلىك زونا مەن ونىڭ سىرت جاعىندا جۇرگىزىلىپ, جوسپارلانىپ جاتقان قۇرىلىس جۇمىستارى جونىندە ەسەپ بەرۋ جانە 2014 جىلدىڭ 1 اقپانىنا دەيىن مەنەدجمەنت جوسپار ۇسىنۋ تۋرالى شەشىم شىعارعان ەكەن. ءمينيستردىڭ ورىنباسارى كورسەتىلگەن قۇجاتتاردىڭ بارلىعى بۇكىلالەمدىك مۇرا ورتالىعىنا تابىستالعانىن اتاپ ءوتتى. وعان قوسا تەڭدەسسىز جادىگەر سانالاتىن تامعالى پەتروگليفتەرىن الەمگە تانىتۋ, ساقتاۋ بويىنشا مەنەدجمەنت جوسپار جاسالىپ, وعان قوسا بيىل الماتى وبلىسى اكىمدىگى تامعالىعا الىپ باراتىن «سۇڭقار –توپار – كۇيگەن» اۆتوجولدارىنا اعىمداعى جوندەۋ جۇمىستارىن جۇرگىزۋدى كوزدەپ وتىرعانىن باياندادى. اتاپ وتەيىك, جيىنعا ۇلتتىق كوميسسيانىڭ تۇراقتى مۇشەلەرى – مۇددەلى مەملەكەتتىك ورگانداردىڭ باسشىلارى, ءبىلىم, عىلىم جانە مادەنيەت قايراتكەرلەرى قاتىستى.
ايگۇل سەيىلوۆا,
«ەگەمەن قازاقستان».
• 06 مامىر, 2014
حالىقارالىق اۋقىمداعى جۇمىستار ءوز دەڭگەيىندە ءجۇرىپ جاتىر
كەشە ەلورداداعى ۇلتتىق اكادەميالىق كىتاپحانادا قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ جىل سايىن وتەتىن كەزەكتى وتىرىسى ۇيىمداستىرىلدى. اتالعان شارا ۇلتتىق كوميسسيانىڭ جاڭادان تاعايىندالعان توراعاسى – مادەنيەت مينيسترى ارىستانبەك مۇحامەدي ۇلىنىڭ توراعالىعىمەن ءوتتى.
جيىندا العاشقى باياندامانى جاساعان يۋنەسكو-نىڭ الماتى قالاسىنداعى كلاستەرلىك بيۋروسىنىڭ ديرەكتورى سەرگەي لازارەۆ بىلتىر استانادا وتكىزىلگەن «مىڭجىلدىق دامۋ ماقساتتارىنىڭ» ماسەلەلەرى تالقىلانعان ايماقارالىق فورۋمنىڭ ءبىلىم سالاسىن جەتىلدىرۋگە جانە 2015 جىلدان كەيىنگى دامۋ ستراتەگياسىن جاساۋعا ارنالعانىن اتاپ ءوتتى. ەلىمىزدىڭ يۋنەسكو مەن يسەسكو ۇيىمداستىراتىن عىلىمي جوبالاردىڭ جانە ءبىلىم بەرۋ كۋرستارىنىڭ, سونداي-اق, حالىقارالىق ستيپەنديالاردىڭ تۇراقتى قاتىسۋشىسى ەكەنىن مالىمدەدى. سونىڭ ىشىندە وتكەن جىلى رەسپۋبليكا ءبىلىم جانە عىلىم مينيسترلىگىنىڭ يۋنەسكو-نىڭ «بارلىعى ءۇشىن ءبىلىم» جانە «تۇراقتى دامۋ ءۇشىن ءبىلىم» باعدارلامالارىنا قاتىسقانىن باياندادى.
«ماتەريالدىق مادەني ەسكەرتكىشتەردى قورعاۋ بويىنشا وتكەن جىلدىڭ باسىندا قازاقستان قىتاي جانە قىرعىزستانمەن بىرلەسىپ «جىبەك جولى: باستاپقى بولىك جانە تيان-شان ءدالىزىنىڭ جول جەلىسى» اتتى جوبا دايىنداعان بولاتىن. جوبانىڭ ءبىرىنشى كەزەڭىندە جىبەك جولىنىڭ جەتىسۋ بولىگىندەگى سەگىز نىسان, اتاپ ايتقاندا, الماتى وبلىسىنداعى تالعار, قايالىق, قارامەرگەن ەسكى قالالارى مەن جامبىل وبلىسىندا ورنالاسقان اقتوبە, ورنەك, قۇلان, قوستوبە, اقىرتاس ەجەلگى قالالارى ۇسىنىلدى. بىلتىر اقپان ايىندا اتالعان جوبا يۋنەسكو-نىڭ بۇكىلالەمدىك مۇرا ورتالىعىنا تابىستالدى», دەدى سەرگەي لازارەۆ. ول سونداي-اق, يۋنەسكو-نىڭ «ادام جانە بيوسفەرا» باعدارلاماسى بويىنشا ۇلتتىق كوميتەتىمەن بىرگە جاسالعان جۇمىستىڭ ءناتيجەسىندە 2013 جىلى الاكول مەملەكەتتىك تابيعي قورىعى يۋنەسكو-نىڭ بيوسفەرالىق رەزەرۆاتتار دۇنيەجۇزىلىك جەلىسىنە ەنگىزىلگەنىن جانە وسى كوميتەتپەن كاتون-قاراعاي ۇلتتىق ساياباعىنا بيوسفەرالىق رەزەرۆات مارتەبەسىن الۋ تۋرالى جانە الداعى ۋاقىتتا قازاقستان رەسپۋبليكاسى مەن رەسەي فەدەراتسياسىنىڭ شەكارا بويىنداعى ايماقتارىندا «التاي» ترانسشەكارالىق بيوسفەرالىق رەزەرۆاتىن قۇرۋ جايلى ءماسەلە تالقىلانىپ جاتقانىن ايتتى.
مادەنيەت ءمينيسترىنىڭ ورىنباسارى اسقار بورىباەۆ ۇلتتىق كوميسسيانىڭ مادەنيەت سالاسى بويىنشا وتكەن جىلعى جۇمىسىن قورىتىندىلاي وتىرىپ, ەكى نىسانعا ەرەكشە توقتالدى. ونىڭ ءبىرى قوجا احمەت ياساۋي كەسەنەسى دە, ەكىنشىسى تامعالى پەتروگليفى. وتكەن جىلدىڭ جەلتوقسان ايىندا تۇركىستان قالاسىندا «يۋنەسكو-نىڭ بۇكىلالەمدىك مۇرا وبەكتىسى – قوجا احمەت ياساۋي كەسەنەسىنىڭ ساقتالۋ جاعدايى» تاقىرىبىندا دوڭگەلەك ۇستەل وتكىزىلگەن. شارانىڭ ماقساتى – كامبودجانىڭ پنومپەن قالاسىندا وتكەن يۋنەسكو-نىڭ بۇكىلالەمدىك مۇرا كوميتەتىنىڭ 37-سەسسياسىندا قابىلدانعان شەشىمدى قاراستىرۋ بولعان. اتالمىش كوميتەت كەسەنەنىڭ ساقتالۋ جاعدايى تۋرالى, بۋفەرلىك زونا مەن ونىڭ سىرت جاعىندا جۇرگىزىلىپ, جوسپارلانىپ جاتقان قۇرىلىس جۇمىستارى جونىندە ەسەپ بەرۋ جانە 2014 جىلدىڭ 1 اقپانىنا دەيىن مەنەدجمەنت جوسپار ۇسىنۋ تۋرالى شەشىم شىعارعان ەكەن. ءمينيستردىڭ ورىنباسارى كورسەتىلگەن قۇجاتتاردىڭ بارلىعى بۇكىلالەمدىك مۇرا ورتالىعىنا تابىستالعانىن اتاپ ءوتتى. وعان قوسا تەڭدەسسىز جادىگەر سانالاتىن تامعالى پەتروگليفتەرىن الەمگە تانىتۋ, ساقتاۋ بويىنشا مەنەدجمەنت جوسپار جاسالىپ, وعان قوسا بيىل الماتى وبلىسى اكىمدىگى تامعالىعا الىپ باراتىن «سۇڭقار –توپار – كۇيگەن» اۆتوجولدارىنا اعىمداعى جوندەۋ جۇمىستارىن جۇرگىزۋدى كوزدەپ وتىرعانىن باياندادى. اتاپ وتەيىك, جيىنعا ۇلتتىق كوميسسيانىڭ تۇراقتى مۇشەلەرى – مۇددەلى مەملەكەتتىك ورگانداردىڭ باسشىلارى, ءبىلىم, عىلىم جانە مادەنيەت قايراتكەرلەرى قاتىستى.
ايگۇل سەيىلوۆا,
«ەگەمەن قازاقستان».
سوڭعى جاڭالىقتار
قوعام • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
ەينشتەين ءوزىن «الاياق» سەزىنگەن بە؟
قوعام • كەشە
