ەسكاتو-مەن ىنتىماقتاستىقتا بەلسەندىلىك كۇتىلەدى

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ بۇۇ باس حاتشىسىنىڭ ورىنباسارى, بۇۇ-نىڭ ازيا جانە تىنىق مۇحيتى ءۇشىن ەكونوميكالىق جانە الەۋمەتتىك كوميسسياسىنىڭ (ەسكاتو) اتقارۋشى حاتشىسى شامشات احتارمەن كەزدەستى. كەزدەسۋ بارىسىندا ەكىجاقتى ىنتىماق­تاستىقتى تەرەڭدەتۋدىڭ ماسەلەلەرى تالقىلاندى. قازاقستاننىڭ ەسكاتو-مەن ءوزارا ءىس-قيمىلىنداعى ما­­­­ڭىزدى اسپەكتىلەردىڭ ءبىرى بۇۇ-­نىڭ ورتالىق ازيا ەلدە­رى ەكونوميكاسى (سپەكا) ءۇشىن ار­­نايى باعدارلاماسىن جۇزە­­گە اسىرۋ بولىپ تابىلادى. «وسى ورايدا ءبىز وتكەن جىلى ال­ما­تى­دا ەسكاتو مەن بۇۇ-نىڭ ەۋروپا ەكونوميكالىق كوميس­سيا­سىنىڭ بىرلەسكەن ءوفيسى اشى­لۋىن قۇپتايتىن بولساق, مۇنىڭ سپەكا-نى جۇزەگە اسى­رۋدا ايتارلىقتاي ماڭىزى بار», دەپ اتاپ ءوتتى قازاقستان سىرت­قى سايا­سات ۆەدومستۆوسىنىڭ باس­شىسى. قازاقستان ەسكاتو-مەن ءبىز­دىڭ وڭىرىمىزدە كولىك ينفرا­قۇ­رىلىمدارىن ايتارلىقتاي جاق­سارتۋعا ىقپال ەتەتىن ناقتى باعدارلامالاردى جۇزەگە اسىرۋدا ىنتىماقتاستىق بەلسەندى بولا تۇسەدى دەپ ەسەپتەيدى. قازاقستان ءۇشىن ورنىقتى دامۋ كوكەيكەستى ماسەلە بولىپ تابىلادى. «ءبىز ەسكاتو-نىڭ «جاسىل كوپىر» ارىپتەستىك باعدارلاماسىن ودان ءارى ىلگەرىلەتۋگە ىقپالىن كۇتەتىن بولامىز», دەپ مالىمدەدى ە.ىدىرىسوۆ. سۇحباتتاستار, سونداي-اق, ەنەرگيانىڭ قايتالاما كوز­دە­رى سالاسىنداعى ىقتيمال ىن­تى­ماقتاستىق ماسەلەلەرىن تال­قى­لادى. قازاقستان سىرتقى ساياسات ۆەدومستۆوسىنىڭ باسشىسى ش.احتاردى قازاقستاندا قاي­تا­لاما قۋات كوزدەرىن دامىتۋ بويىنشا جۇرگىزىلىپ جاتقان جۇمىستار تۋرالى حاباردار ەتىپ, ەسكاتو-نى قايتالاما ەنەرگيا سالاسىنداعى ءوزىنىڭ تابىستارىن كورسەتۋگە شاقىردى. ول, سونىمەن قاتار, ءوڭىر ەلدەرى وزدەرىنىڭ پاۆيلوندارىن 2017 جىلى استانادا وتەتىن حالىقارالىق ەكسپو كورمەسىنە شىعارادى دەگەن ءۇمىتىن ءبىلدىردى. كەلىسسوزدىڭ ماڭىزدى ماسە­لەلەرىنىڭ ءبىرى قازاقستاننىڭ 2017-2018 جىلدارى بۇۇ قاۋىپ­سىزدىك كەڭەسىنىڭ تۇراقتى ەمەس مۇشەلىگىنە كانديداتۋراسىن ىلگە­رىلەتۋى تۋرالى بولدى. ە.ىدى­­رىسوۆ بۇۇ باس حاتشى­سى­­نىڭ ورىنباسارىن قازاق­ستان­نىڭ ءوڭىردىڭ كەمشىن دامىعان ەلدەرىنە ولاردىڭ ينكليۋزيۆتى تەڭدىك جانە ورنىقتى دامۋ ماقساتىندا قولداۋ كورسەتۋ نيەتى بار ەكەنىنەن حاباردار ەتتى. ءوز كەزەگىندە ش.احتار حا­نىم قازاقستاننىڭ جەدەل ەكونو­ميكالىق دامۋىن اتاپ وتە كەلىپ, ەكىجاقتى ىنتىماقتاستىقتى ءارى قاراي دا دامىتۋعا دايىن ەكەنىن مالىمدەدى. «ەگەمەن-اقپارات».