مينيسترلىكتەر ۇيىندەگى كەزدەسۋ

مينيسترلىكتەر ۇيىندە «باس رەداكتورلار كلۋبى» قب مۇشەلەرىنىڭ توتەنشە جاعدايلار ءمينيسترى ۆلاديمير بوجكومەن كەزدەسۋى بولدى. باسقوسۋ بەيرەسمي تۇرعىدا اشىق پىكىر الماسۋ سيپاتىندا ءوتتى. كەزدەسۋدى باس رەداكتورلار كلۋبىنىڭ پرەزيدەنتى كەنجەبولات جولدىباي جۇرگىزىپ وتىردى. جۋرناليستەرمەن بولعان ەكى ساعاتقا جۋىق ارالىقتا ۆ.بوجكو ەلدەگى تەحنوگەندىك الاپاتتاردان, اپاتتار مەن ءزىلزالالاردان كەلەتىن تاۋە­كەلدەردى مەيلىنشە تومەندەتە وتىرىپ, نۇقساندى ازايتۋدى قامتاماسىز ەتۋدى كوزدەيتىن ەسكەرتۋدىڭ جانە توتەنشە جاع­دايدى جويۋدىڭ تۇبەگەيلى مەم­لەكەتتىك جۇيەسىنىڭ قىز­مەتى جايلى جان-جاقتى اڭگى­مە­لەدى. مينيستر, سونداي-اق, جەدەل شەشىمدى قاجەت ەتەتىن ماسەلەلەرگە توقتالدى, تاياۋ بو­لاشاقتا مەكەمەنىڭ اتقا­را­تىن جۇمىستارىنىڭ باستى با­عىتتارىن ايتتى, تەحنوگەندىك جانە تابيعي سيپاتتاعى توتەن­شە جاعدايلاردان قورعاۋ تۇرعى­سىندا تۇرعىندارعا اسا قاجەت اقپاراتتار بەرۋدە جانە ءتۇسىن­دىرۋدە باق-تىڭ ءرولىنىڭ ەرەك­شە ەكەندىگىنە نازار اۋداردى. قورعاۋشىلاردىڭ كاسىبي قىزمەتىن زاڭدىلىق تۇرعىدان قامتاماسىز ەتۋدىڭ ماڭىزدىلىعى اتاپ كورسەتىلدى. وسى رەتتە, مينيستر اعىمداعى جىلعى 26 ساۋىردە «ازاماتتىق قورعاۋ تۋرالى» زاڭ قابىلدانعانىن قاتىسۋشىلارعا ايتا وتىرىپ, ونىڭ ۆەدومستۆو قۇرامىنداعى قۇرىلىمدار مەن بولىمشەلەردىڭ قارىم-قاتىناستارىنىڭ سيپاتىن جۇيەلى نەگىزدە وزگەرتۋگە سەپ­تىگى بولعانىن تىلگە تيەك ەتتى. ۆلاديمير بوجكونىڭ پىكى­رىنشە, بۇل قۇقىقتىق اكتىنى دايىن­داۋ قاجەتتىلىگى توتەنشە جاعداي, ازاماتتىق قورعانىس, وندىرىستىك جانە ءورت قاۋىپسىزدىگى سالالارىندا جاڭا تۇجىرىمداما قالىپتاستىرۋعا نەگىزدەلگەن. كەزدەسۋدى اياقتاي كەلە, ك.جولدىباي اڭگىمەنىڭ باس رەداكتورلار كلۋبىنىڭ www.kgr.kz سايتىندا جالعاساتىنىن جەتكىزدى جانە ازاماتتاردى وسى ينتەراكتيۆتى بايلانىسقا شىعۋعا شاقىردى. «ەگەمەن-اقپارات».