قامقورلىق دەپ وسىنى ايت!

ۇلى وتان سوعىسى ارداگەرلەرى مەن مۇگەدەكتەرى پويىزدا تەگىن جۇرەدى

 «قازاقستان تەمىر جولى» ۇلتتىق كومپانياسى» اق ۇلى جەڭىستىڭ 69 جىلدىق مەرەيتويىنا وراي 2014 جىلدىڭ 1 مامىرىنان 31 جەلتوقسانىنا دەيىن ۇلى وتان سوعىسىنىڭ ارداگەرلەرى مەن مۇگەدەكتەرىنە جولاۋشىلار پويىزدارىندا تەگىن جول ءجۇرۋ ءداستۇرلى اكتسياسىن وتكىزۋدە. مەرەكەلىك شارا اياسىندا ۇوس ارداگەرلەرى مەن مۇگەدەكتەرى قازاقستان رەسپۋبليكاسى مەن تاۋەلسىز مەملەكەتتەر دوستاستىعى ەلدەرى اۋما­­عىندا تەمىرجول كولىكتەرىندە تەگىن جۇرە­دى. ار­داگەرلەر «تالگو» زاۋىتى شىعارعان ۆاگون­دار­دان قۇرالعان پويىزداردان بولەك, جولاۋ­شى­لار پويىزدارىنىڭ بارلىق ساناتتارى مەن با­عىت­تارىندا, سونىمەن قاتار, قالاارالىق پويىز­داردا دا كۋپەلىك ۆاگوندارمەن ءجۇرۋ مۇمكىندىگىنە يە. ارداگەرلەرگە تەگىن بيلەت تەمىرجول كاسسالا­رىن­دا بەرىلەدى. وزىمەن بىرگە جەكە كۋالىگى, سونى­­مەن قاتار, ۇوس ارداگەرى نەمەسە مۇگەدەكتىگى تۋرالى كۋالىگىنىڭ تۇپنۇسقاسى مەن كوشىرمەسى بولۋى قاجەت. اتالعان اكتسيانى وتكىزۋ تۋرالى قاجەتتى اقپا­راتتى «جولاۋشىلار تاسىمالى» اق-تىڭ تەمىر­جول كاسسالارى مەن تاۋلىك بويى جۇمىس ىستەيتىن «105» انىقتاما تەلەفونىنان الۋعا بولادى. ەسكەندىر ەرتاەۆ.