بۇگىن تاڭەرتەڭ پەلوسي ينۆەنمەن كەزدەستى. كەزدەسۋگە اقش كونگرەسىنەن دە بەس دەلەگات قاتىستى. تايۆان باسشىسى پەلوسيگە جانە ونىڭ دەلەگاتسياسىنا قيىن ۋاقىتتا تايۆانعا قولداۋ كورسەتكەنى ءۇشىن العىس ايتتى.
ء«بىز ەلىمىزدىڭ ەگەمەندىگىن تاباندى تۇردە قورعايتىن بولامىز», دەدى تساي ينۆەن.
ءوز كەزەگىندە پەلوسي كونگرەسس اتىنان ماراپات العانى ءۇشىن العىس ايتتى.
«اقش-تىڭ تايۆانمەن ىنتىماقتاستىعى وتە ماڭىزدى. تايۆانداعى جانە الەمنىڭ قالعان بولىگىندەگى دەموكراتيانى قورعاۋ جونىندەگى شەشىمىمىز وزگەرگەن جوق. ءبىزدىڭ ساپارىمىز اقش-تىڭ تايۆانعا قولداۋ كورسەتۋ تۋرالى ۋادەسىنەن باس تارتپاعانىن كورسەتتى», دەدى اقش وكىلدەر پالاتاسىنىڭ سپيكەرى.
ەسكە سالساق, پەلوسي جانە اقش كونگرەسىنىڭ بەس دەلەگاتى كەشە كەشكىسىن ارالعا ۇشىپ كەلگەن ەدى.
