مەرەكەلى دە شۋاقتى مامىر ايى جاڭاوزەندىكتەر ءۇشىن جاڭالىقتارمەن باستالدى. سول كۇنى سالتاناتپەن اشىلىپ, قالا سانىنە ءسان قوسىپ, حالىقتىڭ يگىلىگىنە قىزمەت ەتەتىن نىساندار قاتارىندا – نەكە سارايى دا بار. بۇل جاڭاوزەن قالاسىنىڭ تۇرعىندارى, اسىرەسە ۇلكەن ءومىر تابالدىرىعىنان قول ۇستاسا اتتاعان جاستار جاعى ءبىراز جىلداردان بەرى اسىعا كۇتكەن ورىن بولاتىن.
سوڭعى جىلدارى دامۋىنا ايرىقشا ءمان بەرىلىپ, ارنايى جوسپار-جوبالار, باعدارلامالار ىسكە قوسىلعان جاڭاوزەندە بۇگىنگە دەيىن ءبىراز نىسانداردىڭ تۇساۋى كەسىلگەنى كوپكە ايان. جاڭادان اشىلعان مەكتەپ, بالاباقشالاردا جاس جەتكىنشەكتەر ءبىلىم-تاربيە الىپ جاتسا, تەڭگە, قىزىلساي اۋىلدارىندا بوي كوتەرگەن مادەنيەت ۇيلەرىندە وسى سالانىڭ جۇمىسى ءجۇرىپ جاتىر. جاڭارعان شاعىن دارىگەرلىك پۋنكت نەمەسە كاسىبىن باستايمىن دەۋشىلەرگە قۇتتى ورىن بولعان بيزنەس-ينكۋباتور, مۇنايشىلارعا ارنالعان قىزمەتتىك عيماراتتار دا سوڭعى جىلداردىڭ جاڭالىعى. ءبىر سۇيسىنەرلىگى, مۇنداي جاڭاشىل ىستەردىڭ بىرقاتارىنىڭ باسى-قاسىنان «قازمۇنايگاز» بارلاۋ ءوندىرۋ» اق پەن ونىڭ ەنشىلەس كاسىپورنى «وزەنمۇنايگاز» اق تابىلىپ جۇرەدى. جاڭاوزەن قالاسى تۇرعىندارىن قۋانىشقا بولەگەن نەكە سارايى قۇرىلىسىندا دا اتالمىش مۇناي مەكەمەلەرىنىڭ ۇلەسى بار. جەر قويناۋىن پايدالانۋشى رەتىندە جاڭاوزەن قالاسى مەن قاراقيا اۋدانى ينفراقۇرىلىمىنىڭ دامۋىنا اتسالىسۋدى پارىز دەپ بىلەتىن مۇناي كومپانيالارى جىل سايىن مۇنايلى قالا ءۇشىن 750 مىڭ تەڭگە, ال قاراقيا اۋدانى ءۇشىن 150 مىڭ تەڭگە كولەمىندە كومەك كورسەتىپ كەلەدى. جاڭاوزەندىكتەر مەن قالا قوناقتارى ءۇشىن كوزايىم بولعان نەكە سارايى وسى قولداۋ دەمەۋشىلىكتىڭ ءبىرى ەكەن.
قالا ورتالىعىنان سالىنعان نىساننىڭ سىرتقى بەينەسى كورىكتى, ءىشى كەڭ, جارىق, ءارى ادەمى بەزەندىرىلگەن. جاڭاوزەن قالاسىنا جۇمىس ساپارى بارىسىندا نەكە سارايىنىڭ تۇساۋىن كەسكەن ماڭعىستاۋ وبلىسىنىڭ اكىمى ا.ايدارباەۆ اتالمىش نىساننىڭ جاڭاوزەندىكتەردىڭ نەكەگە تۇرۋ, نارەستەلى بولۋ, كۇمىس, التىن تويلارى سىندى ءاربىر قۋانىشتى ءساتىن تويلايتىن مەكەن بولاتىندىعىنا تىلەكتەستىگىن ءبىلدىردى. سونداي-اق, نەكە سارايىنىڭ تابالدىرىعىن العاش اتتاپ, نەكەسىن جاڭا عيماراتتا تىركەتكەن جۇپتار – م.اسقاروۆ پەن ز.تاڭىربەرگەنوۆاعا, ا.مۇساەۆ پەن ز.دەرەكباەۆاعا شەتەلدە دەمالۋ ءۇشىن ارنايى جولدامانى سىيعا تارتتى. جۇبايلىق ومىرلەرىن توسىن سىيمەن باستاعان جاستاردىڭ قۋانىشىندا شەك بولعان جوق.
جاقسىلىق مۇنىمەن شەكتەلمەسىن, تاۋەلسىز ەلىمىزدىڭ كەرەگەسىن كەڭەيتىپ, شاڭىراعىن بيىكتەتە تۇسەر قاراكوزدەردى قۇتتى جولعا باستايتىن بوساعا بولعاي دەستى جۇرت.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
سوڭعى جىلدارى دامۋىنا ايرىقشا ءمان بەرىلىپ, ارنايى جوسپار-جوبالار, باعدارلامالار ىسكە قوسىلعان جاڭاوزەندە بۇگىنگە دەيىن ءبىراز نىسانداردىڭ تۇساۋى كەسىلگەنى كوپكە ايان. جاڭادان اشىلعان مەكتەپ, بالاباقشالاردا جاس جەتكىنشەكتەر ءبىلىم-تاربيە الىپ جاتسا, تەڭگە, قىزىلساي اۋىلدارىندا بوي كوتەرگەن مادەنيەت ۇيلەرىندە وسى سالانىڭ جۇمىسى ءجۇرىپ جاتىر. جاڭارعان شاعىن دارىگەرلىك پۋنكت نەمەسە كاسىبىن باستايمىن دەۋشىلەرگە قۇتتى ورىن بولعان بيزنەس-ينكۋباتور, مۇنايشىلارعا ارنالعان قىزمەتتىك عيماراتتار دا سوڭعى جىلداردىڭ جاڭالىعى. ءبىر سۇيسىنەرلىگى, مۇنداي جاڭاشىل ىستەردىڭ بىرقاتارىنىڭ باسى-قاسىنان «قازمۇنايگاز» بارلاۋ ءوندىرۋ» اق پەن ونىڭ ەنشىلەس كاسىپورنى «وزەنمۇنايگاز» اق تابىلىپ جۇرەدى. جاڭاوزەن قالاسى تۇرعىندارىن قۋانىشقا بولەگەن نەكە سارايى قۇرىلىسىندا دا اتالمىش مۇناي مەكەمەلەرىنىڭ ۇلەسى بار. جەر قويناۋىن پايدالانۋشى رەتىندە جاڭاوزەن قالاسى مەن قاراقيا اۋدانى ينفراقۇرىلىمىنىڭ دامۋىنا اتسالىسۋدى پارىز دەپ بىلەتىن مۇناي كومپانيالارى جىل سايىن مۇنايلى قالا ءۇشىن 750 مىڭ تەڭگە, ال قاراقيا اۋدانى ءۇشىن 150 مىڭ تەڭگە كولەمىندە كومەك كورسەتىپ كەلەدى. جاڭاوزەندىكتەر مەن قالا قوناقتارى ءۇشىن كوزايىم بولعان نەكە سارايى وسى قولداۋ دەمەۋشىلىكتىڭ ءبىرى ەكەن.
قالا ورتالىعىنان سالىنعان نىساننىڭ سىرتقى بەينەسى كورىكتى, ءىشى كەڭ, جارىق, ءارى ادەمى بەزەندىرىلگەن. جاڭاوزەن قالاسىنا جۇمىس ساپارى بارىسىندا نەكە سارايىنىڭ تۇساۋىن كەسكەن ماڭعىستاۋ وبلىسىنىڭ اكىمى ا.ايدارباەۆ اتالمىش نىساننىڭ جاڭاوزەندىكتەردىڭ نەكەگە تۇرۋ, نارەستەلى بولۋ, كۇمىس, التىن تويلارى سىندى ءاربىر قۋانىشتى ءساتىن تويلايتىن مەكەن بولاتىندىعىنا تىلەكتەستىگىن ءبىلدىردى. سونداي-اق, نەكە سارايىنىڭ تابالدىرىعىن العاش اتتاپ, نەكەسىن جاڭا عيماراتتا تىركەتكەن جۇپتار – م.اسقاروۆ پەن ز.تاڭىربەرگەنوۆاعا, ا.مۇساەۆ پەن ز.دەرەكباەۆاعا شەتەلدە دەمالۋ ءۇشىن ارنايى جولدامانى سىيعا تارتتى. جۇبايلىق ومىرلەرىن توسىن سىيمەن باستاعان جاستاردىڭ قۋانىشىندا شەك بولعان جوق.
جاقسىلىق مۇنىمەن شەكتەلمەسىن, تاۋەلسىز ەلىمىزدىڭ كەرەگەسىن كەڭەيتىپ, شاڭىراعىن بيىكتەتە تۇسەر قاراكوزدەردى قۇتتى جولعا باستايتىن بوساعا بولعاي دەستى جۇرت.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
