قازاقستان قۇراماسى فرانتسيادان ەكى رەت ۇتىلدى

مامىردىڭ 5-ىنە قاراعان ءتۇنى شاي­بالى حوككەيدەن قازاقستان قۇ­راماسى فرانتسيانىڭ رۋان قالاسىندا الەم چەمپيوناتى قارساڭىنداعى دايىن­دىق رەتىندە وسى ەلدىڭ باس كومان­داسىمەن جولداستىق كەزدەسۋ وتكى­زىپ, اتالمىش جاماعاتتان قاتارى­نان ەكىنشى جەڭىلى­سكە ۇشىرادى. كەزدەسۋ 3:5 ەسەبىمەن اياقتالدى. ماتچتا قازاقستاندىق رومان ستار­­چەنكو ەسەپ اشقاننان كەيىن, فران­­تسۋزدار ۆيتالي ەرەمەەۆتىڭ قاقپا­سىن ءتورت رەت ءدال كوزدەي ءبىلدى. ويىن­نىڭ ءۇشىنشى كەزەڭىندە ءبىزدىڭ جاساق­قا ر.ستارچەنكو مەن تالعات جاي­لاۋوۆتىڭ گولدارى ارقىلى ەسەپ­تى قىسقارتۋدىڭ ورايى كەلدى. ال سوڭعى نۇكتەنى فرانتسۋزدار قويدى. ايتا كەتەتىن ءبىر جايت, بۇل كوماندالاردىڭ بۇدان ءبىر كۇن بۇرىن وتكەن ءبىرىنشى جولداستىق كەزدەسۋىندە فرانتسۋزدار 3:1 ەسەبىمەن باسىم تۇسكەن ەدى. قازاقستاندىقتار قۇرامىنان جالعىز شايبانى ر.ستارچەنكو سالدى. بۇل كەزدەسۋدە قاقپادا الەكسەي يۆانوۆ تۇردى. تاعى دا ەسكە سالا كەتەيىك, مۇ­نىڭ الدىندا قازاقستان قۇرا­­­ما­سى يتا­ليا كومانداسىمەن دە ەكى جول­داس­تىق كەزدەسۋ وتكىزگەن. ونىڭ ءبىرىنشى مات­چىندا ءبىزدىڭ جەر­لەستەرىمىز 1:3 بولىپ ۇتىلسا, ەكىنشىسىندە 4:2 ەسە­بىمەن قارىمتا قايتاردى. ۇستىمىزدەگى جىلعى ەليتالىق دي­ۆيزيونداعى الەم چەمپيوناتى 9 مامىر كۇنى بەلارۋستىڭ استاناسى – مينسك قالاسىندا باستالادى. وندا قازاقستان قۇراماسى «ۆ» تو­بىن­دا فينليانديا, رەسەي, اقش, شۆەي­تساريا, گەرمانيا, لاتۆيا جانە بە­لارۋس قۇرامالارىمەن كۇش سىناسادى. دامير قوجامقۇل.