«استانا جاستارى» جاستار رەسۋرستىق ورتالىعى ەلوردانىڭ جاستار ساياساتى ماسەلەلەرى باسقارماسىنىڭ قولداۋىمەن 27 ماۋسىمدا «ۇزدىك» جوباسىن ىسكە قوستى, ونىڭ اياسىندا NEET ساناتىنداعى جاستارمەن تىعىز جۇمىس جۇزەگە اسىرىلادى.
جوبا جاستاردى الەۋمەتتەندىرۋگە, جۇمىسقا ورنالاستىرۋعا, بيزنەس جوبالار مەن بيزنەستى وقىتۋدى ىسكە اسىرۋعا باعىتتالعان. اتالعان جوبا اياسىندا مەملەكەتتىك گرانتتاردى ءبولۋ كوزدەلەدى.
ايتا كەتسەك, تەحنيكالىق قىزمەت كورسەتۋ جانە الەۋمەتتىك قىزمەت كورسەتۋ سالاسىندا جۇمىس ىستەيتىن جاستار اراسىندا, سونداي-اق NEET ساناتىنداعى جاستار اراسىندا كونكۋرس وتكىزىلەدى. ونىڭ ماقساتى - 15 باعىت بويىنشا جۇمىسشى ماماندىقتارىنىڭ ءيميدجىن جاقسارتۋ جانە تانىمال ەتۋ. («ۇزدىك شينومونتاجنيك-2022», «جىل سانتەحنيگى-2022», «جىلدىڭ اعاش ۇستاسى-2022», «جىل ەلەكتريگى-2022», «جىلدىڭ جيھاز قۇراستىرۋشىسى-2022» جانە ت.ب.). ەكى اپتادا ءبىر رەت ءار باعىت بويىنشا ىرىكتەۋ بولادى.
سونداي-اق وسى جىلدىڭ سوڭىنا دەيىن «ۇزدىك» جوباسى اياسىندا شەت تىلدەرىن وقىتۋ, جىلدام وقۋ, قارجىلىق جانە كومپيۋتەرلىك ساۋاتتىلىق بويىنشا سەمينار-ترەنينگتەر, بيزنەس-ترەنينگتەر, زاڭگەرلىك جانە پسيحولوگيالىق كونسۋلتاتسيالار وتكىزۋ جوسپارلانعان.
