ونىڭ ايتۋىنشا, مينيسترلىك «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىنىڭ شەڭبەرىندە 4 نەگىزگى مىندەت بويىنشا 14 كورسەتكىشكە, 88 ءىس-شارانى ىسكە اسىرۋعا جاۋاپتى.
«وتكەن جىلدىڭ قورىتىندىسى بويىنشا, سۋمەن جابدىقتاۋ قىزمەتتەرىمەن 18,4 ملن ادام قامتاماسىز ەتىلدى. بۇل مەجەلەنگەن ساننان ارتىق. اتىراۋ جانە قىزىلوردا قالالارى سۋمەن 100% قامتاماسىز ەتىلدى. قالالاردا سارقىندى سۋلاردى تازارتۋ دەڭگەيى جوسپارلانعان 74,9%-دان 75,7%-دى قۇرادى», دەدى ق. وسكەنباەۆ ۇكىمەتتىڭ بۇگىنگى وتىرىسىندا.
ۇيگە ورتاق جىلۋ جانە سۋ ەسەپتەگىش قۇرالدارىمەن قامتاماسىز ەتۋ دەڭگەيى, سونداي-اق تۇرعىن ءۇيدى پايدالانۋعا بەرۋ بويىنشا جوسپارلى كورسەتكىشتەر دە تولىق ورىندالعان.
«رەسپۋبليكالىق جانە جەرگىلىكتى ماڭىزى بار اۆتوموبيل جولدارىنىڭ ءنورماتيۆتى جاي-كۇيدەگى ۇلەسى تيىسىنشە 90% جانە 80%-دى قۇرادى. بۇل رەتتە ماڭعىستاۋ جانە جامبىل وبلىستارىندا جەرگىلىكتى ماڭىزى بار اۆتوموبيل جولدارىنىڭ ۇلەسى وڭ ناتيجەگە جەتىپ, 95%-دى قۇرايتىنىن اتاپ ءوتۋ قاجەت. الايدا پايدالانۋ مەرزىمى 25 جىلدان اسقان جولاۋشىلار ۆاگوندارىنىڭ ۇلەسى جوسپارلى 42,7%-دان 40,9%-عا دەيىن, تەحنيكالىق فلوتتىڭ توزۋى 68%-عا دەيىن تومەندەدى», دەدى مينيستر.
