ء«بىر ايدان كەيىن جاڭا وقۋ جىلى باستالادى. كاسساداعى كەزەكتەردى بولدىرماۋ ءۇشىن مەكتەپ كولىك كارتاسىن الدىن الا جاساتىپ الۋدى سۇرايمىز. وزدەرىڭىز بىلەتىندەي, ەلوردادا قالا جانە نۇر-سۇلتان قالاسى ماڭىندا تۇراتىن 18 جاسقا دەيىنگى وقۋشىلار قوعامدىق كولىكتە تەگىن جۇرەدى. ول ءۇشىن مەكتەپ كولىك كارتاسى بولۋى كەرەك جانە ونى اۆتوبۋس سالونىندا ۆاليداتسيادان وتكىزۋ قاجەت», دەدى «City Transportation Systems» جشس-دان.
اتاپ وتىلگەندەي, مەكتەپ كولىك كارتاسىن ەكى جولمەن الۋعا بولادى:
- ر. قوشقارباەۆ داڭعىلى, 50/1 مەكەنجايىنداعى ورتالىق كاسسادان;
- سايت ارقىلى. كارتانى جاساتۋعا قاجەتتى قۇجاتتار:
- - اتا-انانىڭ ءبىرىنىڭ جەكە كۋالىگى;
- - بالانىڭ جسن بار تۋ تۋرالى كۋالىگى نەمەسە جەكە كۋالىك;
- - مەكتەپتەن انىقتاما;
- - 3ح4 فورماتتاعى 1 فوتوسۋرەت.
كولىك كارتاسىن جوعالتقان جاعدايدا ونى قايتا جاساتۋ ءۇشىن قاجەتتى قۇجاتتار: بالانىڭ تۋ تۋرالى كۋالىگى, اتا-اناسىنىڭ ءبىرىنىڭ (زاڭدى وكىلىنىڭ) جەكە كۋالىگىنىڭ تۇپنۇسقاسى نەمەسە تولقۇجاتى, وقۋشىنىڭ جاسى 15-تەن اسقان بولسا مەكتەپ انىقتاماسى قاجەت.
16 جاسقا تولعان وقۋشىلار ءوز بەتىمەن ءوتىنىش جاساي الادى. قالاعان جاعدايدا فوتوسۋرەتتى وزگەرتۋگە بولادى.
