تۇرعانبەك ۇسەنبەك ۇلى 1961 جىلعى 2 اقپاندا وڭتۇستىك قازاقستان وبلىسى, شاردارا اۋدانىندا دۇنيەگە كەلگەن. 1982 جىلى الماتى حالىق شارۋاشىلىعى ينستيتۋتىن بىتىرگەن. ماماندىعى – فينانس جانە كرەديت. ەڭبەك جولىن 1977 جىلى وڭتۇستىك قازاقستان وبلىسى شاردارا اۋدانىنداعى №1 جمك «قىزىلقۇمكەڭشارقۇرىلىس» ترەسىندە قۇرىلىسشى بولىپ باستاعان.
1982 جىلى ماقتاارال اۋداندىق قارجى بولىمىندە ەكونوميست, 1984 جىلى شاردارا اۋدانىنداعى پمك-22 «چارداراستروي» باسقارماسىنىڭ ەڭبەك جانە جالاقى ءبولىمىنىڭ باس ينجەنەرى, 1988 جىلى سۇتكەنت سوۆحوزىنىڭ كومسومول كوميتەتىنىڭ حاتشىسى, 1992 جىلى شاردارا اۋداندىق مەملەكەتتىك سالىق ينسپەكتسياسىنىڭ باس سالىق ينسپەكتورى, 1993-1998 جىلدارى قارجى باقىلاۋ كوميتەتىنىڭ باس باقىلاۋشى-تەكسەرۋشىسى بولىپ ەڭبەك ەتكەن.
1998-2003 جىلدارى شاردارا اۋداندىق ءماسليحاتى تەكسەرۋ كوميسسياسىنىڭ توراعاسى, 2006-2011 جىلدار ارالىعىندا شاردارا اۋداندىق اۋىل شارۋاشىلىعى ءبولىمىنىڭ باستىعى, 2003-2006 جىلدارى جانە 2011-2012 جىلدارى شاردارا اۋدانى اكىمىنىڭ ورىنباسارى بولدى.
2012-2013 جىلدارى شاردارا قالاسىنىڭ اكىمى, 2013-2018 جىلدارى وڭتۇستىك قازاقستان وبلىسى اۋىل شارۋاشىلىعى باسقارماسى باسشىسىنىڭ ورىنباسارى لاۋازىمىندا قىزمەت اتقاردى.
2018 جىلدان قازىرگە دەيىن تۇركىستان وبلىسى اۋىل شارۋاشىلىعى باسقارماسى باسشىسىنىڭ ورىنباسارى لاۋازىمىندا ەڭبەك ەتتى.
