ورالدا شاعان وزەنى ۇستىندەگى كوپىردىڭ جابىلۋى دۇرلىگىس تۋعىزدى

ورال. 5 مامىر. كەشە تاڭعى ساعات 8-دە جۇمىسقا اسىققان ورالدىقتار كۇتپەگەن جاعدايعا كەزىكتى, شاعان وزەنى ۇستىندەگى قالانىڭ ورتالىعى مەن شاعاننىڭ ارعى بەتى بولىگىن جالعاستىراتىن جالعىز كوپىر جابىلىپ, ىشكە كىرەتىن جانە شىعاتىن جۇزدەگەن كولىك ونداعان شاقىرىم كەپتەلىستە تۇرۋعا ءماجبۇر بولدى. بۇل تۋرالى egemen.kz ءتىلشىسى حابارلادى. وقيعانىڭ بۇلايشا ءورىس الۋىنا «زەنيت» زاۋىتى وكىلدەرىنىڭ ءبىر قيسىنسىزداۋ شەشىمى سەبەپ بولعان سەكىلدى. ياعني, سول كۇنى زاۋىتتا جاسالعان «سارىارقا» اسكەري كەمەسى شاعان وزەنىنە جەتكىزىلۋى ءتيىس ەكەن. بىراق, نەگە ەكەنى بەلگىسىز, تاسىمالداۋ ۋاقىتى تۋرا تاڭعى ساعات 8-گە بەلگىلەنىپ, ناتيجەسىندە مىڭداعان ادام جۇمىسقا كەشىگىپ قالادى. وسىدان كەيىن ءبىز كاسىپورىن باسشىسىمەن حابارلاستىق. «قاۋىپسىزدىك شارالارىن تولىق ساقتاۋعا بايلانىستى كەمەنى ادەتتەگىدەي كەشكىسىن نەمەسە تۇندە ەمەس, كۇندىزگى ساعات 8-دە وزەنگە تاسىمالداۋعا تۋرا كەلدى. سوندىقتان شاعان وزەنى ۇستىندەگى كوپىر 20 مينۋتقا جابىلدى. جول قوزعالىسىنا كەلگەن قولايسىزدىق ءۇشىن قالا تۇرعىندارىنان كەشىرىم سۇرايمىز», - دەدى ۆ.حامزيەۆ بىزگە بەرگەن جاۋابىندا. تەمىر قۇسايىن. دەرەككوز: egemen.kz. فوتو: www.volgomost.ru.