Free fitness, ياعني اعىلشىن تىلىنەن سوزبە-ءسوز اۋدارعاندا تەگىن فيتنەس دەگەن ماعىنانى بىلدىرەتىن سپورت نىسانىنىڭ ءبىر ەرەكشەلىگى, مۇنداعى ءار ترەناجەرگە ارنايى QR كود جاپسىرىلعان. مۇندا كەلگەندەر وسى QR كود ارقىلى الدىن الا يۋتۋبكە جۇكتەلگەن ەرەجەمەن تانىسىپ, ونداعى نۇسقاۋلىقتىڭ كومەگىمەن ءوز بەتىنشە جاتتىعۋ جاساي بەرەدى. ماسەلەن, بىلەك بۇلشىق ەتتەرىن دامىتاتىن ترەناجەرگە وتىرساڭىز, يۋتۋبتەگى نۇسقاۋشى تەك قانا بىلەككە ارنالعان جاتتىعۋ تۇرلەرىن كورسەتىپ, ونى قالاي جانە قانشا رەت جاساۋ كەرەكتىگىن تۇسىندىرەدى. سپورت قۇرىلعىسىنىڭ مۇمكىندىگى شەكتەۋلى ادامدارعا ىڭعايلى جەكە ورىندىعى بار.
– قازىر قالاداعى كوممەرتسيالىق فيتنەس ورتالىقتارىنىڭ باعاسى ۋداي قىمبات. مەن بۇل جەرگە ۇلىم ءۇشىن كەلىپ ءجۇرمىن. بىراق ءبىر ايدىڭ ىشىندە 2-3 كيلو سالماق تاستادىم. ادەت قىپ العانىمىز سونشالىق, مۇندا ءبىر كۇن كەلە الماي قالساق, بىردەمە جەتىسپەي تۇرعان سياقتى سەزىمدە بولامىز. بالام 14 جاستا, بۇرىن گىر كوتەرۋمەن اينالىسقان. جاڭا شاعىن اۋدانعا قونىس اۋدارعالى, سپورت مەكتەبى الىستاپ كەتىپ, امالسىز تاستاۋعا تۋرا كەلدى. قازىر بىرتىندەپ قايتا جاتتىعىپ ءجۇر. ەڭ باستىسى, قانداي سنارياد كەرەك, سونىڭ ءبارى بار. يۋتۋبتەگى پلەيپاراقشادا ءبارى تۇسىنىكتى جازىلعان, ءتىپتى جاتتىقتىرۋشى كومەگىنىڭ دە قاجەتى جوق, – دەيدى «يۋبيلەينىي» شاعىن اۋدانىنىڭ تۇرعىنى جانار جاقىپوۆا.
قالانىڭ اكىمدىگى قازىر اشىق فيتنەس الاڭىنىڭ اۋماعىن جارىقتاندىرىپ, ورىندىقتار مەن قوقىس جاشىكتەرىن قويىپ جاتىر. ودان كەيىن بەينەباقىلاۋ قويىلادى. تۇرعىندارعا قولايلى بولۋ ءۇشىن جاۋىن-شاشىن مەن كۇن كوزىنەن قورعايتىن شاتىر ورناتۋ دا جوسپاردا بار.
تۇرعىنداردىڭ سالاماتتى ءومىر سالتىن ۇستانۋىنا جاعداي تۋعىزاتىن ءدال وسىنداي تەگىن فيتنەس الاڭى جىتىقارا قالاسىندا دا بار.
قوستاناي وبلىسى
