شاعىن جانە ورتا بيزنەس ءۇشىن ازيا دامۋ بانكىدەن 150 ملن. دوللار بولىنەدى

استانا. 5 مامىر. «بايتەرەك» ۇلتتىق باسقارۋشى حولدينگى (ۇبح) باسقارماسىنىڭ توراعاسى قۋاندىق بيشىمباەۆ ازيا دامۋ بانكى (ادب) ۇسىنعان نەسيە جەلىسى اياسىندا بيىل 150 ملن. دوللار تارتۋ جوسپارلانعان دەپ مالىمدەدى. بۇل تۋرالى Primeminister.kz حابارلادى. قۋاندىق بيشىمباەۆ: «بيىل ءبىز وسى نەسيە جەلىسى ارقىلى قوسىمشا 150 ملن. دوللار تارتۋدى جوسپارلاپ وتىرمىز. بۇل اقشا مەملەكەت باسشىسىنىڭ تاپسىرماسىنا سايكەس, شاعىن جانە ورتا بيزنەستى قولداۋعا ۇلتتىق قوردان بولىنگەن رەسۋرستارعا قوسىمشا بولادى», – دەدى. ونىڭ ايتۋىنشا, 2011 جىلى «بايتەرەك» ۇلتتىق باسقارۋشى حولدينگى قۇرىلىمىنا كىرەتىن «دامۋ» كاسىپكەرلىكتى دامىتۋ قورى ەلىمىزدەگى شاعىن جانە ورتا بيزنەستى ورىستەتۋگە بايلانىستى ازيا دامۋ بانكتەن 500 ملن. اقش دوللارى كولەمىندە نەسيە العان. قازاقستان مەن ازيا دامۋ بانكى ىنتىماقتاستىعى بەرىك ورنىعىپ كەلەدى. ەكى جاقتى كەلىسىمدەردىڭ ناتيجەسىندە مىڭنان استام كاسىپكەر قولداۋعا يە بولعان. سونداي-اق, 2 مىڭعا جۋىق جاڭا جۇمىس ورنى اشىلعان. جولدىباي بازار. دەرەككوز: Primeminister.kz. فوتو: headline.kz.