قازاقستاندىق كەڭەس وداعىنىڭ باتىرلارى جايلى سەريال تۇسىرىلمەك

استانا. 5 مامىر. «گەنەرالدار كەڭەسى» رەسپۋبليكالىق قوعامدىق ۇيىمى پرەزيديۋمىنىڭ توراعاسى, ادىلەت گەنەرال-مايورى رۇستەم قايداروۆ ۇلى وتان سوعىسىندا وت كەشكەن قازاقستاندىق 528 كەڭەس وداعىنىڭ باتىرى جايلى سەريال تۇسىرىلەتىنىن ايتتى.  بۇل تۋرالى gazeta kz حابارلادى. رۇستەم قايداروۆتىڭ سوزىنە قاراعاندا, اتالعان فيلمدە ءاربىر باتىردىڭ ءومىرى مەن ەڭبەگى, ەرلىگى قامتىلادى. بۇل سەريالدى ءتۇسىرۋ بارىسىندا ءار وبلىستاعى مەملەكەتتىك ورگاندار مەن ارحيۆ قىزمەتكەرلەرى كومەككە شاقىرىلماق. قازىر قازاقستاندىق 510 كەڭەس وداعىنىڭ باتىرى جايلى مالىمەتتەر جينالعان. ولار تۋرالى ماعلۇماتتاردى تولىقتىرا ءتۇسۋ ءۇشىن جەرگىلىكتى ۋچاسكەلىك ينسپەكتورلار جۇمىلدىرىلۋدا. گەنەرال-مايور رۇستەم قايداروۆ: «ەكىنشى دۇنيەجۇزىلىك سوعىسقا بارلىعى 72 مەملەكەت قاتىستى, 60 ميلليون ادام اجال قۇشتى, 110 ميلليون ادام جارالاندى. ال قازاقستاننان قان مايدانعا 1 200 000 ادام اتتاندى. ونىڭ ىشىندە 600 مىڭ ادام قازا بولدى. ءبىر عانا شىعىس قازاقستان وبلىسىنان 111 كەڭەس وداعىنىڭ باتىرى شىققان. وسىدان-اق, قازاقستاننىڭ وتانىن قورعاۋعا قوسقان ۇلەسىنىڭ زور ەكەندىگىن كورۋگە بولادى», – دەدى. جولدىباي بازار. دەرەككوز: gazeta kz. فوتو: kargoo.gov.kz.