ۆاتيكاننىڭ قۇپيا مۇراعاتتارىنان قازاقستانعا قاتىستى مالىمەتتەر تابىلدى

الماتى. 5 مامىر. كولۋمبيا ۋنيۆەرسيتەتىنىڭ تاريحشىسى, كوپتەن بەرى ءال-فارابي اتىنداعى قازاق ۇلتتىق ۋنيۆەرسيتەتىمەن بىرلەسىپ جۇمىس ىستەپ كەلە جاتقان رافيس ابازوۆ ۆاتيكاننىڭ قۇپيا مۇراعاتتارىنان قازاقستاننىڭ بەلگىسىز كارتالارىن تاپتى. بۇل تۋرالى Today.kz حابارلادى. «ريم جانە الاش: مادەني مۇرا» عىلىمي جوباسى اياسىندا مۇراعاتتاردى زەرتتەۋگە شاقىرىلعان رافيس ابازوۆ ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى اندرەي حازبولاتوۆ پەن «يتاليا» ءبىلىم بەرۋ ورتالىعىنىڭ ديرەكتورى, يتاليان ءتىلى وقىتۋشىسى كارمينە باربارومەن بىرلەسە جۇمىس ىستەگەن. اتالعان عالىمدار رەسەي يمپەرياسىنىڭ ەۋرازيا كوشپەلى تايپالارىمەن, سونىڭ ىشىندە قازاقتارمەن ءوزارا بايلانىسىنا قاتىستى دالەلدەر تابۋعا ۇمىتتەنەدى. قۇپيا مۇراعاتتاردى زەرتتەۋ كەزىندە ەلىمىزدىڭ اۋماعىنا قاتىستى كارتالار تابىلدى. رافيس ابازوۆ: «مەنىڭشە, بۇل دەرەكتەر قازاق مەملەكەتتىلىگىنىڭ ناقتى گەنەزيسى مەن دامۋ ديناميكاسىن تۇسىنۋگە كومەكتەسەدى. قازىرگى قازاق مەملەكەتتىلىگى XVI-XVII عاسىرلاردا پايدا بولدى دەپ سانالادى جانە تاريحشىلاردا سول كەزدەگى قازاق تايپالارىنىڭ سىرتقى الەممەن بايلانىسى جايلى مالىمەت از. سونىمەن بىرگە, عالىمدار ءبىزدىڭ ەلدىڭ قىتاي جانە رەسەيمەن قارىم-قاتىناسىنا ەرەكشە نازار اۋدارادى. الايدا, بۇل كارتالار قازاق حالقى بيلەۋشىلەرىنىڭ سىرتقى الەممەن بايلانىستى كەڭىنەن ورناتقانىن, وڭتۇستىك ازيا, ءتىپتى, باتىس ەۋروپاعا دەيىن قارىم-قاتىناس جاساعانىن ايعاقتايدى», – دەدى. تابىلعان كارتالار شامامەن XVI-XVII عاسىرلارعا تيەسىلى كورىنەدى. سونىمەن بىرگە, عالىم ريم پاپاسىنىڭ تاتار-موڭعول حانىنا جازعان حاتتارىن كەزىكتىردى. رافيس ابازوۆتىڭ ايتۋىنشا,  ۆاتيكاننىڭ قۇپيا مۇراعاتتارىنا كىرۋگە رۇقسات الۋ وڭاي ەمەس. ول وعان كىرۋ ءۇشىن 1 جىل كۇتكەن. جولدىباي بازار. دەرەككوز: Today.kz. فوتو: mygazeta.com.