30 شىلدە كۇنى ەرەكشە قورعالاتىن تابيعي ايماققا Toyota Land Cruiser ماركالى اۆتوكولىك كىرگەنى انىقتالدى.
«ينسپەكتورلىق توپ اۆتوكولىكتىڭ ءىزى ارقىلى بۇعىتى تاۋلارى الماساي ايماعىندا مەملەكەتتىك ءنومىرى جوق اۆتوكولىكتى توقتاتتى. كولىكتى تەكسەرۋ بارىسىندا مىلتىققاپقا سالىنباعان ءۇش دانا ويىق ۇڭعىلى مىلتىق (TIKKA T3 N-308, TIKKA T3x LITE, ۆەپر-308 ), ەكى دانا پىشاق, ءبىر دانا راتسيا, جانە ارنايى كونتەينەرگە سالىنعان ەت انىقتالدى. سونىمەن قاتار اۆتوكولىك جانىنان ءسىبىر تاۋ تەكەسىنە ۇقساس اڭنىڭ تەرىسى تابىلدى», دەپ حابارلادى ورمان شارۋاشىلىعى جانە جانۋارلار دۇنيەسى كوميتەتىنەن.
ۆەدومستۆو وكىلدەرىنىڭ حابارلاۋىنشا, كولىكتە بولعان ءۇش ازامات ۇستالدى. ولار الماتى وبلىسى ەڭبەكشىقازاق اۋدانىنىڭ جانە الماتى قالاسىنىڭ تۋمالارى بولىپ شىقتى.
ايعاق زاتتارعا ۋاقىتشا الىپ قويۋ قاۋلىسى تولتىرىلىپ, ۇيعىر اۋدانى پوليتسيا بولىمىنە تاپسىرىلدى.
