بقو دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەنىندەي, وقيعا 31 شىلدە كۇنى شىڭعىرلاۋ-اقساي جولىندا بولدى.
«جول اپاتى اقساي قالاسىنان 15 شاقىرىم جەردە ورىن الدى. جەدەل جاردەم ساعات 23.33-تە شاقىرتىلدى. بريگادا 11 مينۋتتان كەيىن وقيعا ورنىندا بولدى. جول اپاتى سالدارىنان 1996 جىلعى جىگىت قايتىس بولدى. 22 جاستاعى جىگىت شىڭعىرلاۋ اۋداندىق اۋرۋحاناسىنا جەتكىزىلدى. جاعدايى ورتاشا اۋىر. باس پەن ميدىڭ جابىق جاراقاتىن الىپ, ميى شايقالعان. ءتيىستى ەمىن الىپ جاتىر», دەپ حابارلادى ۆەدومستۆودان.
بقو پوليتسيا دەپارتامەنتىنىڭ ءباسپاسوز قىزمەتى وقيعانى راستاپ, قر قىلمىستىق ءىس جۇرگىزۋ كودەكسىنىڭ 201-بابىنا سايكەس سوتقا دەيىنگى تەرگەپ-تەكسەرۋ دەرەكتەرى جاريا ەتۋگە جاتپايتىنىن جەتكىزدى.
