پرەزيدەنت تاپسىرمالارى ەرەكشە باقىلاۋعا الىنسىن

«قازاقستان-2050» ستراتەگياسى مىندەتتەرىن ءتيىمدى جۇزەگە اسىرۋ جانە باستى ماقسات – الەمدەگى اسا دامىعان 30 ەلدىڭ قاتارىنا ەنۋ ءۇشىن قازاقستان رەسپۋبليكاسى پرەزيدەنتىنىڭ اكىمشىلىگى تاراپىنان مەملەكەت باسشىسىنىڭ تاپسىرمالارىن ورىنداۋعا با­قى­لاۋدى كۇشەيتۋ جانە ساياسي قىز­مەتكەرلەردىڭ جاۋاپكەرشىلىگىن ارتتىرۋ بويىنشا جۇمىستاردىڭ جاڭا ءپىشىنى ەنگىزىلدى. پرەزيدەنت اكىمشىلىگىنىڭ قۇرى­لىمدىق بولىمشەلەرىندە ساراپ­تامالىق توپتار قۇرى­لىپ, مەملەكەت باسشىسى تاپسىر­ما­لارى­نىڭ ساپالى جانە ۋاقتىلى ورىندالۋىن باقىلاۋ بويىنشا جاڭا جۇيە جاسالدى. ۇستىمىزدەگى جىلدىڭ ساۋىرىنەن باستاپ مەملەكەت باسشىسىنىڭ اكتى­لەرى مەن تاپسىرمالارىن ورىن­داۋ بويىنشا جۇرگىزىلىپ جات­قان جۇمىستار تۋرالى پرە­مەر-مينيستر كەڭسەسى باسشى­لى­عىنىڭ, مينيسترلەردىڭ ورىن­­باسار­لارىنىڭ, جاۋاپتى حات­شى­لاردىڭ, وبلىس اكىمدەرى ورىن­باسارلارىنىڭ, ۇلتتىق كومپانيالار جەتەكشىلەرىنىڭ ەسەپتەرى تىڭدالاتىن اپتا سايىنعى كەڭەس تاجىريبەسى ەنگىزىلدى. كەڭەس قورىتىندىلارى بويىنشا پرەزيدەنت اكىمشىلىگى ۇكىمەتكە مەملەكەت باسشىسىنىڭ تاپسىرمالارىن ساپالى جانە ۋاق­تىلى جۇزەگە اسىرۋ بويىنشا, قاجەت بولعان جاعدايدا ورتالىق ءجا­نە جەر­گىلىكتى مەملەكەتتىك ورگان­دار­دىڭ ساياسي مەملەكەتتىك قىزمەت­كەر­لەرىن جاۋاپكەرشىلىككە تارتۋ تۋ­رالى ۇسىنىمدامالار جولدايدى. ءبىرىنشى كەڭەستىڭ قورى­تىن­دى­لارى بويىنشا ۇكىمەتكە مەملەكەت باسشىسىنىڭ ورىندالۋ مەرزىمى ەسەپتىك كەزەڭگە سايكەس كەلگەن 33 تاپسىرماسىنىڭ جۇزەگە اسىرىلۋ بارىسى تۋرالى ۇسىنىمدامالار جولداندى. ۇكىمەت ەنگىزىلگەن ۇسى­نىم­دا­مالار مەن ۇسىنىستاردى ورىنداۋ بويىنشا جەدەل تۇردە شارالار قابىلدادى. قازاقستان رەسپۋبليكاسى پرە­مەر-ءمينيسترىنىڭ وسى وكىمىنىڭ نە­گىزىندە ۇكىمەتتىڭ 2014 جىلعا ار­نالعان زاڭ جوبالاۋ جۇمىستارىن ورىنداۋ جوسپارىنىڭ مەرزىمىن بۇزعانى ءۇشىن قارجى ۆيتسە-مي­نيسترى ر. دالەنوۆ پەن ەكونوميكا جانە بيۋدجەتتىك جوسپارلاۋ ۆيتسە-ءمينيسترى م. ابىلقاسىموۆاعا, مو­نوقالالاردى دامىتۋ باعدار­لاماسىن جۇزەگە اسىرۋعا باقى­لاۋدى السىرەتكەنى ءۇشىن ءوڭىر­لىك دامۋ ۆيتسە-ءمينيسترى س. جۇمان­عا­رينگە ەسكەرتۋلەر جاريالاندى. پرەزيدەنت اكىمشىلىگى مەن ۇكى­مەتتىڭ مەملەكەت باسشىسىنىڭ تاپ­سىرمالارىن ۋاقتىلى جانە ساپالى ورىنداۋ بويىنشا بىرلەسكەن جۇمىسى جالعاستىرىلاتىن بولادى.