ءداستۇرلى تۇردە ۇيىمداستىرىلىپ كەلە جاتقان بايقاۋدىڭ جوعارى دەڭگەيدە وتۋىنە جامبىل وبلىسى اكىمدىگى ايتارلىقتاي ۇلەس قوستى. ءوز كەزەگىندە قاتىسۋشىلار جاقسى دايىندىقپەن كەلگەندەرىن بايقاتتى. ولار بۇرىنىراقتا Facebook الەۋمەتتىك جەلىسىندەگى tilqazyna پاراقشاسى ارقىلى وزدەرىنىڭ بەينەساباقتارىن جاريالاعان بولاتىن. سايىستىڭ العاشقى كەزەڭىندە ءار ۇمىتكەر قازاق ءتىلىن وقىتۋداعى ءوزىنىڭ جيناقتاعان تاجىريبەسى نەگىزىندە اۆتورلىق باعدارلاماسىن ۇسىنسا, قازىلار القاسى ولاردىڭ جۇمىسىن ءوز دەڭگەيىندە باعالاپ وتىردى.
بىرنەشە كەزەڭدى قامتىعان بايقاۋدىڭ شەشۋشى كەزەڭىندە ۇمىتكەرلەر ءتىل ۇيرەنۋشىلەرگە سويلەۋ ارەكەتىنىڭ ءتورت ءتۇرى بويىنشا (وقىلىم, جازىلىم, تىڭدالىم, ايتىلىم) تاپسىرمالار بەرىپ, اۋديتوريامەن جۇمىس جاساۋ قابىلەتىن بايقاپ كوردى. تاپسىرمانى ورىنداۋعا توپ مۇشەلەرىن بەلسەندى قاتىستىرۋ جاعى قاتاڭ ەسكەرىلدى.
جوعارى دەڭگەيدە وتكەن بايقاۋ قورىتىندىسىندا جەڭىمپاز بەن جۇلدەگەرلەردى قازىلار القاسىنىڭ مۇشەلەرى, ەسىمى ەلىمىزگە كەڭىنەن تانىمال عالىمدار ماراپاتتادى.
ناتيجەسىندە, پاۆلودارلىق تاتتىگۇل بەكەنوۆا, اقمولالىق عاينەل دۇيسەنباەۆا, قوستانايلىق اينۇر ميركەمەلوۆا ءۇشىنشى ورىنعا لايىق دەپ تانىلسا, قاراعاندىلىق فاريزا بورانعازى مەن اقتوبەلىك شىڭعىسحان تۇمەنباەۆقا ەكىنشى ورىن بۇيىردى. بايقاۋ قورىتىندىسىندا جامبىلدىق گۇلدەرايىم بولاتقىزى ءبىرىنشى ورىن يەلەنسە, قىزىلوردالىق التىناي ورىنباەۆا باس جۇلدەگەر اتاندى.
تاراز
