«اقش-تىڭ كەنتۋككي شتاتىندا سۋ تاسقىنى سالدارىنان كەم دەگەندە 25 ادام قازا تاپتى. ولاردىڭ اراسىندا ءتورت بالا بار», دەدى شتات گۋبەرناتورى ەندي بەشير.
250-گە جۋىق ادام حابار-وشارسىز كەتكەن. ايماقتاعى سۋ تاسقىنى بۇرىن-سوڭدى بولماعان نوسەر جاڭبىر سالدارىنان تۋىندادى. كەيبىر اۋدانداردا كۇنىنە 20 سم-دەن استام جاۋىن-شاشىن جاۋدى.
بىرنەشە ساعات ىشىندە ۋايتسبەرگتەگى كەنتۋككي وزەنىنىڭ سولتۇستىك ايىرىنداعى سۋ دەڭگەيى 6 م-گە دەيىن كوتەرىلدى, بۇل الدىڭعى رەكوردتان 4,5 م-گە جوعارى. بۇعان دەيىن قۇتقارۋ قىزمەتتەرى تاسقىن سۋ جولدار مەن كوپىرلەردى شايىپ, ۇيلەردىڭ ىرگەتاستارىن قيراتقانىن حابارلادى.
كەنتۋككيدىڭ شىعىسىنداعى, باتىس ۆيردجينيا مەن ۆيردجينياداعى 31 مىڭنان استام تۇرعىن تاۋلى اۋداندارداعى سۋ تاسقىنى مەن كوشكىنگە بايلانىستى ەلەكتر جارىعىنسىز قالدى. ەڭ كوپ زارداپ شەككەن اۋداندارعا ساربازدار جىبەرىلدى.
