اسكەري پارادقا ازىرلىك جايىنا ارنالدى

قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە پاراد قولباسشىسى, قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆ پەن قۇرلىق اسكەرلەرى باس قولباسشىسىنىڭ ورىنباسارى پولكوۆنيك جۇمابەك حاسەنوۆتىڭ قاتىسۋىمەن بريفينگ ءوتتى. بريفينگتىڭ تاقىرىبى 7 مامىردا استاناداعى «قازاق ەلى» الاڭىندا وتەتىن اسكەري پارادقا دايىندىق بارىسى بولدى. م.مايكەەۆتىڭ مالىمدەۋىنشە, 2014 جىلعى پارادتىڭ باستى ەرەكشەلىگى ونىڭ تەحنولوگيالىق سيپاتى بولىپ تابىلادى. قازاق­ستان ارمياسىنىڭ جاڭا جانە زاماناۋي قارۋ-جاراعى مەن اسكەري تەحنيكاسىنىڭ ۇلگىلەرىن كورسەتۋگە باسىمدىق بەرىلەتىن بولادى. «پارادتا كورسەتىلەتىن تەح­ني­كانىڭ ءبىر بولىگى قازاقستاننىڭ قورعانىس-ونەركاسىپتىك كاسىپ­ورىن­دارىندا جاڭعىرتىلعان نەمەسە شىعارىلعان», دەپ اتاپ ءوتتى م.ماي­كەەۆ. اسكەري شەرۋگە قورعانىس, ىشكى ىستەر, توتەنشە جاعدايلار مينيس­تر­لىكتەرىنىڭ, ۇلتتىق قاۋىپسىزدىك كو­ميتەتىنىڭ, مەملەكەتتىك كۇزەت قىزمەتىنىڭ, سونداي-اق, قورعانىس مينيسترلىگىنىڭ, ءىىم جانە تجم-ءنىڭ اسكەري تەحنيكالارى مەن اۆيا­تسياسى قاتىسادى. اسكەري شەرۋدىڭ سالتاناتتى مار­شىنىڭ جاياۋ لەگىندە 2000-عا جۋىق اسكەري قىزمەتشى ءجۇرىپ وتەدى, ونىڭ 1500-ءى قارۋلى كۇش­تەر­دىڭ جەكە قۇرامى. مەحاني­كا­لان­دىرىلعان كولونناعا 200-دەن استام اسكەري تەحنيكا بىرلىگى تارتىلادى. جالپى, استانا اسپانىندا بۇل كۇنى مايداندىق, ارميالىق جانە اسكەري-ترانسپورتتىق اۆيا­تسيا­نىڭ ەڭ ۇزدىك توپتارى ساپ تۇزەي­دى. «قازاق ەلى» الاڭى ۇستىنەن 7 مامىر كۇنى 70-تەن استام قازاق­ستان­دىق اسكەري-اۋە كۇشتەرىنىڭ اۆيا­تسيالىق تەحنيكاسى ۇشىپ وتپەك. شەرۋگە قاتىسۋ ءۇشىن ەلىمىزدىڭ بارلىق اسكەري گارنيزوندارى مەن اسكەري بولىمدەرىنەن اسكەري قىز­مەتشىلەر تارتىلعان, ونىڭ ىشىندە ايەل اسكەري قىزمەتشىلەر دە بار. «ەگەمەن-اقپارات».