ورال قالاسى اكىمدىگىنىڭ ءباسپاسوز قىزمەتىنەن ءمالىم ەتكەنىندەي, شاھاردا جولاقى تولەۋدىڭ ەلەكتروندى جۇيەسى جولاۋشى تاسىمالدايتىن بارلىق 27 قالالىق باعىتتا ورناتىلدى.
«ورالدا 10 تامىزدان باستاپ سارالانعان جولاقى باعاسى ەنگىزىلەدى. اتاپ ايتقاندا, كولىك كارتاسى, Avtobys, QR-كود جانە Kaspi QR قوسىمشالارىمەن جولاۋشىلار بۇرىنعىشا 80 تەڭگە تولەيدى. ال قولما-قول تولەماقى 150 تەڭگە بولماق. بالالار جولاقىسى – 70 تەڭگە. ەكىنشى دۇنيەجۇزىلىك سوعىس قاتىسۋشىلارى مەن مۇگەدەكتەرى, كوزى كورمەيتىن ءبىرىنشى توپتاعى مۇگەدەكتەر, 16 جاسقا دەيىنگى مۇگەدەكتەر, سونداي-اق 7 جاسقا دەيىنگى بالالار (ورىن ۇسىنۋسىز) تەگىن جۇرەدى. 15 جاسقا دەيىنگى بالالار, كوزى كورمەيتىن 1 توپتاعى مۇگەدەكتەردى الىپ جۇرۋشىلەر جولاقىنىڭ تەڭ جارتىسىن تولەيدى», دەپ حابارلادى ۆەدومستۆودان.
