عازيزا جۇبانوۆا اتىنداعى وبلىستىق فيلارمونيادا ءداستۇرلى «جۇبانوۆ كوكتەمى – 2014» حور ۇجىمدارى اراسىنداعى حالىقارالىق فەستيۆالى ءوتتى. فەستيۆالدى وتكىزۋدىڭ ماقساتى كوپشىلىكتى قازاقستاننىڭ, الىس-جاقىن شەتەلدەردىڭ وسى زامانعى مۋزىكالىق حور ونەرىمەن تانىستىرۋ جانە ناسيحاتتاۋ, ءوزارا تاجىريبە الماسۋ, حور مۋزىكاسىنىڭ تانىمالدىلىعىن ارتتىرۋ, جاس تالانت ورىنداۋشىلاردى تاۋىپ, قاناتىن قاتايتۋ بولىپ تابىلادى. فەستيۆالدىڭ مىندەتتى تالابى بويىنشا قاتىسۋشىلار ءوز تاڭداۋىمەن احمەت جانە عازيزا جۇبانوۆتاردىڭ كەمىندە ءبىر شىعارماسىن ورىنداۋى كەرەك. جىل وتكەن سايىن اۋقىمى كەڭەيىپ كەلە جاتقان مادەني شاراعا بىشكەك, ورىنبور, ورسك, اقتاۋ, اتىراۋ, تەمىرتاۋ, وسكەمەن, ورال, اقتوبە قالالارىنان 13 حور ۇجىمى مەن ۆوكالدىق انسامبلدەر قاتىستى.
بازارعالي جامانباەۆ قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى جانە حوردى ديريجەرلەۋ كافەدراسىنىڭ دەكانى, فەستيۆالدىڭ قازىلار القاسىنىڭ توراعاسى:
– ەگەمەندىكتىڭ العاشقى جىلدارىندا حور ونەرى كەنجەلەپ قالدى. ءتىپتى كونسەرۆاتورياداعى ءبىزدىڭ فاكۋلتەت جابىلۋدىڭ از-اق الدىندا بولدى. جىلىنا 8 ستۋدەنت قابىلداعاندا تىعىرىققا تىرەلگەندەي بولعانىمىز دا راس. الايدا, قازىر حور مۋزىكاسىنىڭ دامۋى ءتاۋىر. وتكەن جىلى 27 ستۋدەنت قابىلدانسا, بيىل 25 ستۋدەنت وسى حور ونەرىنە داعدىلانۋدا. ۇستىمىزدەگى جىلى 18 تۇلەك حور ماماندىعى بويىنشا بىتىرگەلى وتىر. الايدا, تۇلەكتەرىمىزدىڭ بارلىعى بىردەي جۇمىسقا ورنالاسىپ كەتە الماۋدا. سوندىقتان جەرگىلىكتى جەردە بۇعان ايرىقشا كوڭىل بولىنگەنى ءجون. سوڭعى جىلدارى حور ۇجىمدارى الەمدىك دەڭگەيدەگى بىرقاتار سىيلىقتاردى جەڭىپ الدى. مۇنىڭ ءوزى حور مۋزىكاسىنىڭ ەلىمىزدە جاڭا سەرپىنمەن دامي باستاۋىنىڭ دالەلى بولسا كەرەك. ال, بۇگىن وتكىزىلىپ وتىرعان فەستيۆال وسىنداي تابىستارىمىزدى ۇستەمەلەي تۇسۋگە نەگىز قالايدى. مۇنداي مادەني شىعارماشىلىق شاراسىن وتكىزىپ وتىرعاندارىڭىزعا العىسىم شەكسىز.
ناتاليا فومەنكو, ا.جۇبانوۆ اتىنداعى اقتوبە مۋزىكالىق كوللەدجى حوردى ديريجەرلەۋ ءبولىمىنىڭ وقىتۋشىسى:
– شىنى كەرەك, كونسەرۆاتوريا تاراپىنان حور مۋزىكاسىنان ۇيىمداستىرىلاتىن وليمپيادالاردىڭ ءجيى-ءجيى ۇيىمداستىرىلۋى ونەردىڭ وسى تۇرىنە جاستاردىڭ قىزىعۋشىلىعىن تۋدىرىپ وتىر. بۇل ءبىر جاعىنان حور مۋزىكاسىن ناسيحاتتاۋ بولىپ تابىلادى.
ولگا سەرەبريسكايا, رف ەڭبەك سىڭىرگەن ونەر قايراتكەرى, ورىنبور وبلىستىق فيلارمونياسى كامەرالىق حور ۇجىمىنىڭ كوركەمدىك جەتەكشىسى:
– مۇنداي كەزدەسۋلەردەن كوپ نارسە ۇيرەنۋگە بولادى. ەڭ باستىسى, ونەر دوستىقتى نىعايتادى, ءوزارا قارىم-قاتىناسىمىزدى قالىپتاستىرادى, ەكى ەلدىڭ شىعارماشىلىق تاجىريبە الماسۋىنا نەگىز قالايدى. ءبىز قازاق كلاسسيكالىق مۋزىكاسىن ورىندايمىز. «جۇبانوۆ كوكتەمى» فەستيۆالىنە ۇزبەي قاتىسىپ كەلەمىز. مۇنىڭ ءوزى قازاق كلاسسيكالىق مۋزىكاسىن رەسەيدە دە قىزىعا تىڭدايتىنىن كورسەتىپ وتىر.
وبلىستىق مادەنيەت, مۇراعات جانە قۇجاتتاما باسقارماسىنىڭ باسشىسى ءنازيرا تابىلدينوۆانىڭ ايتۋىنشا, وسى كەزگە دەيىن وتكىزىلگەن توعىز فەستيۆالدىڭ تورتەۋى حور مۋزىكاسىنا, قالعاندارى ءداستۇرلى حالىقتىق مۋزىكاعا ارنالعان ەكەن.
عازيزا جۇبانوۆا اتىنداعى اقتوبە وبلىستىق فيلارمونياسىنىڭ «Belganto» ۆوكالدىق توبى, ءاليا مولداعۇلوۆا اتىنداعى اقتوبە گۋمانيتارلىق كوللەدجىنىڭ حورى جانە اقتوبە قالاسىنداعى «ءىنجۋ» ۆوكالدىق ءانسامبلى فەستيۆالدىڭ باس جۇلدەسىن جەڭىپ الدى. وسىنىڭ ءوزى-اق, وبلىستا ونەردى, سونىڭ ىشىندە حور مۋزىكاسىن دامىتۋعا قانشالىقتى كوڭىل ءبولىنىپ وتىرعانىن كورسەتسە كەرەك. ءبىرىنشى ورىنداردى ورال قالاسىنداعى قۇرمانعازى اتىنداعى گۋمانيتارلىق كوللەدجدىڭ ستۋدەنتتىك حورى, بىشكەك قالاسىنداعى مۋراتاالى كۇرەنكەەۆ اتىنداعى مۋزىكالىق كوللەدجدىڭ ۆوكالدىق ءانسامبلى, اتىراۋ قالاسىنداعى دينا نۇرپەيىسوۆا اتىنداعى مۋزىكالىق كوللەدجدىڭ ستۋدەنتتىك حورى جانە روستوراپيچتەر اتىنداعى ورىنبور مەملەكەتتىك ۋنيۆەرسيتەتىنىڭ اكادەميالىق حورى يەلەندى.
فەستيۆال كۇنى عازيزا جۇبانوۆا اتىنداعى وبلىستىق فيلارمونيانىڭ قازاق حور كاپەللاسىنىڭ كونتسەرتى قازاقستان رەسپۋبليكاسىنىڭ ەڭبەك سىڭىرگەن قايراتكەرى, قۇرمانعازى اتىنداعى ۇلتتىق كونسەرۆاتوريانىڭ دوتسەنتى, ب.بايقاداموۆ اتىنداعى مەملەكەتتىك حور كاپەللاسىنىڭ كوركەمدىك جەتەكشىسى جانە ديريجەرى بەيىمبەت دەمەۋوۆتىڭ ديريجەرلىك ەتۋىمەن ءوتتى. فەستيۆال ونەرپازداردىڭ ەسىندە جاڭا تابىستارعا جىگەرلەندىرگەن شابىتتىڭ قاينار بۇلاعى رەتىندە قالدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
بازارعالي جامانباەۆ قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى جانە حوردى ديريجەرلەۋ كافەدراسىنىڭ دەكانى, فەستيۆالدىڭ قازىلار القاسىنىڭ توراعاسى:
– ەگەمەندىكتىڭ العاشقى جىلدارىندا حور ونەرى كەنجەلەپ قالدى. ءتىپتى كونسەرۆاتورياداعى ءبىزدىڭ فاكۋلتەت جابىلۋدىڭ از-اق الدىندا بولدى. جىلىنا 8 ستۋدەنت قابىلداعاندا تىعىرىققا تىرەلگەندەي بولعانىمىز دا راس. الايدا, قازىر حور مۋزىكاسىنىڭ دامۋى ءتاۋىر. وتكەن جىلى 27 ستۋدەنت قابىلدانسا, بيىل 25 ستۋدەنت وسى حور ونەرىنە داعدىلانۋدا. ۇستىمىزدەگى جىلى 18 تۇلەك حور ماماندىعى بويىنشا بىتىرگەلى وتىر. الايدا, تۇلەكتەرىمىزدىڭ بارلىعى بىردەي جۇمىسقا ورنالاسىپ كەتە الماۋدا. سوندىقتان جەرگىلىكتى جەردە بۇعان ايرىقشا كوڭىل بولىنگەنى ءجون. سوڭعى جىلدارى حور ۇجىمدارى الەمدىك دەڭگەيدەگى بىرقاتار سىيلىقتاردى جەڭىپ الدى. مۇنىڭ ءوزى حور مۋزىكاسىنىڭ ەلىمىزدە جاڭا سەرپىنمەن دامي باستاۋىنىڭ دالەلى بولسا كەرەك. ال, بۇگىن وتكىزىلىپ وتىرعان فەستيۆال وسىنداي تابىستارىمىزدى ۇستەمەلەي تۇسۋگە نەگىز قالايدى. مۇنداي مادەني شىعارماشىلىق شاراسىن وتكىزىپ وتىرعاندارىڭىزعا العىسىم شەكسىز.
ناتاليا فومەنكو, ا.جۇبانوۆ اتىنداعى اقتوبە مۋزىكالىق كوللەدجى حوردى ديريجەرلەۋ ءبولىمىنىڭ وقىتۋشىسى:
– شىنى كەرەك, كونسەرۆاتوريا تاراپىنان حور مۋزىكاسىنان ۇيىمداستىرىلاتىن وليمپيادالاردىڭ ءجيى-ءجيى ۇيىمداستىرىلۋى ونەردىڭ وسى تۇرىنە جاستاردىڭ قىزىعۋشىلىعىن تۋدىرىپ وتىر. بۇل ءبىر جاعىنان حور مۋزىكاسىن ناسيحاتتاۋ بولىپ تابىلادى.
ولگا سەرەبريسكايا, رف ەڭبەك سىڭىرگەن ونەر قايراتكەرى, ورىنبور وبلىستىق فيلارمونياسى كامەرالىق حور ۇجىمىنىڭ كوركەمدىك جەتەكشىسى:
– مۇنداي كەزدەسۋلەردەن كوپ نارسە ۇيرەنۋگە بولادى. ەڭ باستىسى, ونەر دوستىقتى نىعايتادى, ءوزارا قارىم-قاتىناسىمىزدى قالىپتاستىرادى, ەكى ەلدىڭ شىعارماشىلىق تاجىريبە الماسۋىنا نەگىز قالايدى. ءبىز قازاق كلاسسيكالىق مۋزىكاسىن ورىندايمىز. «جۇبانوۆ كوكتەمى» فەستيۆالىنە ۇزبەي قاتىسىپ كەلەمىز. مۇنىڭ ءوزى قازاق كلاسسيكالىق مۋزىكاسىن رەسەيدە دە قىزىعا تىڭدايتىنىن كورسەتىپ وتىر.
وبلىستىق مادەنيەت, مۇراعات جانە قۇجاتتاما باسقارماسىنىڭ باسشىسى ءنازيرا تابىلدينوۆانىڭ ايتۋىنشا, وسى كەزگە دەيىن وتكىزىلگەن توعىز فەستيۆالدىڭ تورتەۋى حور مۋزىكاسىنا, قالعاندارى ءداستۇرلى حالىقتىق مۋزىكاعا ارنالعان ەكەن.
عازيزا جۇبانوۆا اتىنداعى اقتوبە وبلىستىق فيلارمونياسىنىڭ «Belganto» ۆوكالدىق توبى, ءاليا مولداعۇلوۆا اتىنداعى اقتوبە گۋمانيتارلىق كوللەدجىنىڭ حورى جانە اقتوبە قالاسىنداعى «ءىنجۋ» ۆوكالدىق ءانسامبلى فەستيۆالدىڭ باس جۇلدەسىن جەڭىپ الدى. وسىنىڭ ءوزى-اق, وبلىستا ونەردى, سونىڭ ىشىندە حور مۋزىكاسىن دامىتۋعا قانشالىقتى كوڭىل ءبولىنىپ وتىرعانىن كورسەتسە كەرەك. ءبىرىنشى ورىنداردى ورال قالاسىنداعى قۇرمانعازى اتىنداعى گۋمانيتارلىق كوللەدجدىڭ ستۋدەنتتىك حورى, بىشكەك قالاسىنداعى مۋراتاالى كۇرەنكەەۆ اتىنداعى مۋزىكالىق كوللەدجدىڭ ۆوكالدىق ءانسامبلى, اتىراۋ قالاسىنداعى دينا نۇرپەيىسوۆا اتىنداعى مۋزىكالىق كوللەدجدىڭ ستۋدەنتتىك حورى جانە روستوراپيچتەر اتىنداعى ورىنبور مەملەكەتتىك ۋنيۆەرسيتەتىنىڭ اكادەميالىق حورى يەلەندى.
فەستيۆال كۇنى عازيزا جۇبانوۆا اتىنداعى وبلىستىق فيلارمونيانىڭ قازاق حور كاپەللاسىنىڭ كونتسەرتى قازاقستان رەسپۋبليكاسىنىڭ ەڭبەك سىڭىرگەن قايراتكەرى, قۇرمانعازى اتىنداعى ۇلتتىق كونسەرۆاتوريانىڭ دوتسەنتى, ب.بايقاداموۆ اتىنداعى مەملەكەتتىك حور كاپەللاسىنىڭ كوركەمدىك جەتەكشىسى جانە ديريجەرى بەيىمبەت دەمەۋوۆتىڭ ديريجەرلىك ەتۋىمەن ءوتتى. فەستيۆال ونەرپازداردىڭ ەسىندە جاڭا تابىستارعا جىگەرلەندىرگەن شابىتتىڭ قاينار بۇلاعى رەتىندە قالدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
