«س» توبىنىڭ شەشۋشى ويىنىندا قازاقستان قۇراماسى گرەكيامەن كەزدەستى. ەكى قۇراما دا وسى ويىنعا التى ۇپايمەن كەلىپ, ءبىرىنشى ورىن ءۇشىن تالاستى.
گرەكيا قۇراماسى ءبىرىنشى تايمدى ءوز پايداسىنا اياقتادى. ەسەپ – 1:0. گول اۆتورى – سكوۋرتاس.
ەكىنشى تايمدا نامىسقا تىرىسقان بولات الەنوۆ كومانداسى كەرەمەت كومبيناتسيا ۇيىمداستىرىپ, سوڭىن گولعا ۇلاستىردى. تارازى باسىن تەڭەستىرگەن رومان بوگدانوۆ.
تارتىستى ويىننىڭ ءۇشىنشى بولىگىندە ەكى جاق ايىپ دوبىنان گول الماستى. ەڭ الدىمەن قارسىلاستىڭ ويىنشىسى پاپاستاتوپۋلۋس ءدال سوققىمەن گرەكيا قۇراماسىن تاعى دا العا شىعاردى. قازاقستان قۇراماسىنىڭ ويىنشىسى ستانيسلاۆ ماكاگون دا ءوز مۇمكىندىگىن ءمۇلت جىبەرمەي, جىلدام ەسەپتى تەڭەستىردى.
ويىننىڭ جەڭىمپازى پەنالتي سەرياسىندا انىقتالدى. ءبىزدىڭ قۇرامادان اسقار اجىكەنوۆ, بايانبەك مۋرالينوۆ, تيمۋر ەرشين جانە ۆيتالي تيۋلپا ءمۇلت كەتپەدى. ال قارسىلاستىڭ سوڭعى سوققىسىن قايتارعان قاقپاشى ۆسەۆولود گاۆريلوۆ قازاقستان قۇراماسىنا جەڭىس سىيلادى.
توپتىق كەزەڭنىڭ بارلىق ويىنىندا جەڭىسكە جەتكەن قازاقستان قۇراماسى ءبىرىنشى ورىنعا يە بولىپ, پروموفينالدىڭ جارتىلاي فينالىنا شىقتى. سونىمەن قاتار ءبىزدىڭ جىگىتتەر «ۆ» ديۆيزيونىنىڭ ۇزدىك تورتتىگىنە ەنىپ, 2023 جىلى وتەتىن ەۋروليگانىڭ «ا» ديۆيزيونىنا جولداما الدى.
جارتىلاي فينالدىڭ ويىندارى ەرتەڭ, 30 شىلدەگە جوسپارلانعان. قازاقستان قۇراماسىنىڭ قارسىلاسى سالدەن سوڭ انىقتالادى.
گرەكيا – قازاقستان – 2:2 (1:0, 0:1, 1:1. پەنالتي سەرياسى 3:4)
