الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆتىڭ ايتۋىنشا, «قازاقستاندا جاسالعان» اتتى كورمە ءوندىرىستىڭ, تۇتاستاي ەكونوميكا دامۋىنىڭ ناقتى كورسەتكىشى.
«وتاندىق ءوندىرىس توڭىرەگىندە كوپ سىن ايتىلادى. ءتىپتى, جەرگىلىكتى ءوندىرىس جوق دەيتىندەر بار. مەنىڭ ايتارىم, ءوندىرىس سالاسى جىلدان-جىلعا ءوسىپ, دامىپ كەلەدى. وسى باستامالاردى پالاتا, مەملەكەت, قوعام رەتىندە بىرلەسىپ, قولداۋ كورسەتىپ قانا ىلگەرىلەتە الامىز», دەپ اتاپ ءوتتى اشىلۋ سالتاناتىندا الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.
كورمەگە قاتىسىپ جاتقان الماتىلىق وندىرۋشىلەر ساۋدا, قىزمەت كورسەتۋ, ماشينا جاساۋ, مەتاللۋرگيا, تاماق ونەركاسىبى, جەڭىل ونەركاسىپ سالالارىندا ەڭبەك ەتەدى.
«كاسىپكەرلىك – اۋىر جول. كاسىپكەرلەر – ءبىزدىڭ قىزمەتكەرلەرگە جۇمىس بەرەتىن, ءبىزدىڭ مەملەكەتكە سالىق تولەيتىن, بۇكىل الەمگە تانىمال قازاقستاندىق ءونىمدى شىعاراتىن ادامدار. بۇگىن وسى «قازاقستاننىڭ ۇزدىك تاۋارى» كورمەسىندە الماتىلىق ۇزدىك تاۋار وندىرۋشىلەر ۇسىنىلادى. قازاقستاندىق وندىرۋشىلەردىڭ ناتيجەلەرى بارشامازدى شابىتتاندىرسىن», دەپ اتاپ ءوتتى الماتى قالاسى وڭىرلىك كەڭەسىنىڭ توراعاسى ماكسيم بارىشەۆ.
وڭىرلىك كورمە-بايقاۋ «وندىرىستىك ماقساتتاعى ۇزدىك تاۋارلار», «حالىققا ارنالعان ۇزدىك تاۋارلار», «ۇزدىك ازىق-ت ۇلىك تاۋارلارى» ءۇش نوميناتسيا بويىنشا وتەدى. ءار نوميناتسيادا ءۇش جەڭىمپاز انىقتالادى.
31 شىلدەدە كورمە-بايقاۋدىڭ جەڭىمپازدارىن ماراپاتتاۋ ءراسىمى ۇيىمداستىرىلادى. وڭىرلىك ىرىكتەۋ جەڭىمپازدارى ەلوردادا قازاقستان رەسپۋبليكاسى پرەزيدەنتىنىڭ قاتىسۋىمەن وتەتىن رەسپۋبليكالىق بايقاۋعا جولداما الادى.
ايتا كەكتەيىك, الماتىدا 295 مىڭنان استام شاعىن جانە ورتا بيزنەس جۇمىس ىستەيدى. بۇل كورسەتكىش وتكەن جىلمەن سالىستىرعاندا 28,5 پايىزعا ارتقان.
