22 شىلدەدە ەكولوگيا, گەولوگيا جانە تابيعي رەسۋرستار مينيسترلىگىنىڭ بالىق شارۋاشىلىعى كوميتەتى ۆەدومستۆوارالىق زوولوگيالىق كوميسسيانىڭ وتىرىسىندا كۇتىم نەمەسە ويىقتىس بالىقتارىن سيرەك كەزدەسەتىن جانە قۇرىپ كەتۋ قاۋپى تونگەن جانۋارلار تۇرلەرىنىڭ تىزىمىنەن شىعارۋ تۋرالى ماسەلە قارالدى.
بۇعان دەيىن اتالعان پوپۋلياتسيانىڭ جاي-كۇيى وڭ باعالانىپ, كاسپي ماڭى مەملەكەتتەرىنىڭ قىزىل كىتاپتارىنان شىعارىلعان ەدى.
كوپجىلدىق عىلىمي زەرتتەۋلەردىڭ ناتيجەلەرى كاسپي تەڭىزى اكۆاتورياسى مەن ماڭعىستاۋ وبلىسىنىڭ جاعالاۋىندا كۇتىم پوپۋلياتسياسى سانىنىڭ قالپىنا كەلتىرىلگەنىن كۋالاندىرادى.
عالىمداردىڭ پىكىرىنشە, پوپۋلياتسيانىڭ جاعدايى مەن كۇتىمنىڭ تۇراقتى ءومىر ءسۇرۋ جاعدايلارى گەنوفوندتىڭ ساقتالۋىن قامتاماسىز ەتەتىن جانە ولاردىڭ تابيعي كوبەيۋىنە قاۋىپ توندىرمەيتىن شەكتەرگە دەيىن قالپىنا كەلتىرىلدى.
وسىعان بايلانىستى ۆەدومستۆوارالىق زوولوگيالىق كوميسسيا ويىقتىس بالىعىن قازاقستان رەسپۋبليكاسىنىڭ قىزىل كىتابىنان الىپ تاستاۋدى ۇسىندى.
قۇجات 12 تامىزعا دەيىن اشىق نقا سايتىندا ورنالاستىرىلعان.
كۇتىم - تسيپرينيدتەر تۇقىمداسىنان شىققان بالىق. ول كاسپي تەڭىزىندە تۇششى جانە تۇزدى سۋدا مەكەندەيدى. دەنە ۇزىندىعى - 30-45 سانتيمەتر, كەيدە 70-كە دەيىن دە بارادى, سالماعى ادەتتە 0,5 — 2 كەلى. قارقىندى بالىق اۋلاۋ مەن لاستانۋ ناتيجەسىندە ونىڭ پوپۋلياتسياسى ەداۋىر ازايعان ەدى, وسىعان بايلانىستى بالىقتىڭ بۇل ءتۇرى قىزىل كىتاپقا ەنگىزىلدى.
