باس جۇلدە قوستانايلىق انشىگە بۇيىردى

قوستانايدا ءحىى «زولوتوي ميكروفون» حالىقارالىق بالالار ءان بايقاۋى اياقتالدى. بۇل شارانىڭ جىل وتكەن سايى­ن قاناتى قاتايىپ, اياسى كە­ڭەيىپ كەلەدى. بيىل وعان 60-تان استام جاس ءانشى قاتىستى. ەڭ جاس ءانشى ءتورت جاسار ءمادينا قابجالەل بايقاۋعا تورعايدان كەلىپ قاتىستى. بايقاۋدىڭ ماقساتى مارەدەن كورىنۋ بولسا كەرەك. ءۇشىنشى ورىندى استانا قالاسىنان كەلگەن ەگور كريۆەنكو, الما­تىلىق راۋان جولداسوۆا, اقتاۋدىڭ «بيس» دۋەتى, قوستانايلىق ارداق ەرداۋلەت جانە رەسەيدىڭ چەليابى قالا­سىنان كەلگەن ەليزاۆەتا گرەك ءبولىستى. ەكىنشى ورىندى الماتىلىق جاس ءانشى اقنيەت سۇيىندىكوۆا, قوستانايلىق ءنۇريلا قوقانبەكوۆا, «باي­تەرەك» توبى, بەلارۋستەن كەلگەن ۆلاديسلاۆ ستارچەنكو الدى. ءبىرىنشى ورىن اقتاۋلىق لۋيزا نۇرقۋاتوۆاعا, الما­تى وبلىسىنان كەلگەن قانات پەريزاتقا, بولگارلىق ان­تونينا ديمي­تروۆاعا جانە قوستانايلىق اي­دار جازىقباەۆقا بۇ­يىر­­دى. ايداردى حالىق­ارا­لىق بايقاۋدىڭ ۇيىم­داس­تىرۋشىلارى بەلورۋستەگى ءان فەستيۆالىنە شاقىردى. ال ءان بايگەسىنىڭ باس جۇلدەسىن جاندوس مۋحاممادي جەڭىپ الدى. ول وبلىستىڭ ليساكوۆ قالاسىنداعى ورتا مەكتەپتىڭ جوعارى سىنىبىندا وقيدى. وعان وبلىس اكىمى نۇرالى سادۋاقاسوۆ 300 مىڭ تەڭگەنىڭ سەرتيفيكاتىن تاپسىردى. – «زولوتوي ميكروفون» حا­لىقارالىق بالالار ءان باي­قاۋى دەڭگەيىنىڭ وسكەنى سونشا, مۇنداعى قازىلار القاسى ىرىكتەگەن جاس انشىلەردىڭ دۇنيە­جۇزىندەگى وسىنداي كەز كەلگەن بايقاۋدا باعىن سىناتۋعا بولادى. مۇندا دا ەۋروپادان, ازيادان جاس دۇلدۇلدەر, جاس بۇلبۇلدار كەلدى. تالانت جاسقا قارامايدى ەكەن. ەكىنشىدەن, ءار جاقتان كەلگەن بالالار ءۇش كۇندە دوستاسىپ, كەتەردە قيماي, جىلاپ تارقاستى. مۇنى كورۋدىڭ ءوزى دە عانيبەت! ءبىر وكىنىشتىسى, ۋكراينا تارابى جاس تالانتتاردى بايقاۋعا قا­تىستىرماي بيلەتتەرىن قايتا وتكىزدى, – دەيدى بايقاۋدى ۇيىمداستىرۋشىلاردىڭ ءبىرى ۆياچەسلاۆ اۆدەەۆ. بەلگىلى كومپوزيتور, قازى­لار القاسىنىڭ توراعاسى كەڭەس دۇيسەكەەۆ بايقاۋدا قوس­تانايلىقتارعا قوستاناي وب­لىسىنىڭ ءانۇرانىن تارتۋ ەتتى. بايقاۋدىڭ گالا-كون­تسەرتى وسى شىعارمامەن قورىتىندىلاندى. ءنازيرا جارىمبەتوۆا, «ەگەمەن قازاقستان». قوستاناي.