جەتىسۋ وبلىسى ءوز الدىنا دەربەس ءوڭىر بولعانىمەن, ءالى دە الماتى وبلىسىنىڭ دەنساۋلىق ساقتاۋ باسقارماسىنا تاۋەلدى. وبلىستىق سانيتاريا قىزمەتى دەنساۋلىق ساقتاۋ وبەكتىلەرىندە قالدىقتاردى جيناۋعا, زالالسىزداندىرۋعا جانە ساقتاۋعا قويىلاتىن سانيتاريالىق-ەپيدەميولوگيالىق تالاپتاردىڭ بۇزىلۋىنا بايلانىستى جالپى سوماسى 14 ملن تەڭگەگە 74 ايىپپۇل سالدى. ونىڭ ىشىندە مەديتسينالىق قالدىقتاردى جيناۋ, ساقتاۋ جانە ەسەپكە الۋ مەرزىمدەرى بويىنشا زاڭ بۇزعان جەكە تۇلعالارعا 69 ايىپپۇل, لاۋازىمدى تۇلعالارعا 3 ايىپپۇل جانە مەديتسينالىق قالدىقتاردى ۋاقىتشا ساقتاۋ ءۇي-جايلارىن جاراقتاندىرۋ جانە جابدىقتاۋ جونىندەگى نورمالاردى ساقتاماعانى ءۇشىن زاڭدى تۇلعالارعا 2 ايىپپۇل سالىندى.
مەديتسينالىق قالدىقتاردى جيناۋعا, زالالسىزداندىرۋعا جانە ساقتاۋعا قويىلاتىن سانيتاريالىق تالاپتاردىڭ ساقتالۋى وبلىستىق سەبد تۇراقتى نازارىندا. بۇگىندە دەپارتامەنت باقىلاۋىندا 1 793 مەديتسينالىق ۇيىم بار. مەديتسينالىق ۇيىمداردىڭ ءاربىر قۇرىلىمدىق بولىمشەسىندە مەديتسينالىق قالدىقتارمەن جۇمىس ىستەۋ سحەماسى ازىرلەنىپ, مەديتسينالىق قالدىقتاردى جيناۋ جانە ۋاقىتشا ساقتاۋ ءۇشىن جاۋاپتى تۇلعالار بەكىتىلگەن.
مەديتسينالىق قالدىقتاردى جيناۋ ارنايى ءبىر رەت قولدانىلاتىن پوليەتيلەن پاكەتتەردە جانە قاقپاقتارى تىعىز جابىلاتىن ىدىستاردا جۇزەگە اسىرىلادى. ولار مەديتسينالىق قالدىقتاردىڭ كلاسىنا بايلانىستى بەلگىلەنەدى. بەكىتىلگەن كەستەگە سايكەس مامانداندىرىلعان ۇيىمدارمەن جاسالعان كەلىسىم شارتتار نەگىزىندە شىعارىلىپ, جويىلادى. بۇل مەكەمەلەردە قالدىقتاردى دۇرىس جويۋعا ارنالعان پەشتەر مەن جابدىقتار بار.
دەپارتامەنتتىڭ اۋماقتىق باسقارمالارىنىڭ باقىلاۋىندا مەديتسينالىق قالدىقتاردى جويۋمەن اينالىساتىن 14 ۇيىم بار. ونىڭ بىرەۋىنىڭ وڭدەۋ قۋاتتىلىعى ساعاتىنا – 120 كيلوگرامم. قالعان 13-ءى ەپيدەميالىق ماڭىزدىلىعى تومەن وبەكتىلەر بولىپ سانالادى.
جىل باسىنان بەرى مەديتسينالىق قالدىقتاردىڭ «ا» سىنىبىنىڭ قالدىقتارى – 5 721, 906 توننانى, «ب» سىنىبىنداعى ەپيدەميولوگيالىق قاۋىپتى قالدىقتار – 18 620, 075 توننانى, «ۆ» سىنىبىنىڭ ەپيدەميولوگيالىق اسا قاۋىپتى قالدىقتار – 3 360, 991 توننانى, «گ» سىنىبىنداعى توكسيكولوگيالىق مەديتسينالىق قالدىقتاردان 3 616 دانانى قۇرادى. تۇستەپ كورسەتسەك, باكتەريتسيدتىك, ليۋمينەستسەنتتى, قۇرامىندا سىنابى بار, جارىق ديودتى شامدار, تەرمومەترلەر, گيگرومەترلەر جانە رەنتگەن پلەنكالارى سەكىلدى قالدىقتار شىعارىلدى.
جەتىسۋ وبلىسى
