جىلى شىرايدا وتكەن اڭگىمە بارىسىندا ىنتىماقتاستىق قالىپتاستىرۋ ماقساتىندا بىرلەسكەن باعدارلامالار مەن شەتەلدەگى بەلسەندى وتانداستار, ەلگە ورالعان قانداستار تۋرالى, سونىمەن قاتار مادەنيەت, ونەر, ۇلتتىق قۇندىلىقتار باعىتىنداعى سايت جانە گازەت بەتتەرىندە ارنايى ايدارلار اشۋعا, قازاق دياسپوراسىنا ارنالعان ءىس-شارالار جۇمىسىنا اقپاراتتىق قولداۋ كورسەتۋ ءۇشىن جوبالار مەن باعدارلامالار جاساۋعا كەلىستى.
سونىمەن قاتار «وتانداستار قورى» كەاق جانىنان قۇرىلعان شەت ەلدەردەگى قازاق ءتىلدى بۇقارالىق اقپارات قۇرالدارىمەن اقپارات الماسۋعا, بىرلەسە جوبالار جۇرگىزۋگە, ءوزارا ىنتىماقتاستاق ورناتىپ, ارنايى ماماندارىن ءتۇرلى كاسىبي باعىتتاردا تاجىريبەدەن وتكىزۋ جانە شەبەرلىك ساعاتتارىن ۇيىمداستىرۋ تۋرالى دا ءسوز قوزعالدى.
«باستى ماقساتىمىز – بۇكىل الەم قازاقتارىن تاريحي جانە ەتنيكالىق وتانى توڭىرەگىندە بىرىكتىرۋ. نەگىزگى باعىتتارىمىز – شەتەلدەگى قازاقتاردى اقپاراتتىق-كونسۋلتاتسيالىق قامتاماسىز ەتۋ جانە مادەني-گۋمانيتارلىق قولداۋ. وسى باعىتتا «ەگەمەن قازاقستان» رەسپۋبليكالىق گازەتىمەن» ورتاقتاسا وتىرىپ «وتانداستار» دەگەن اتاۋمەن 3 ايدا ءبىر, ياعني توقساندا ءبىر شىعاتىن جۋرنال شىعارۋدى جوسپارلاپ وتىرمىز», دەدى ا.ساپاربەك ۇلى.
«ەگەمەن قازاقستان» رەسپۋبليكالىق گازەتى» جشس باس ديرەكتورى دارحان قىدىرالى «وتانداستار قورى» كەاق پرەزيدەنتى ابزال ساپاربەك ۇلىنا ريزاشىلىعىن ءبىلدىرىپ, قوردىڭ جۇمىسىنا ساتتىلىك تىلەدى. سونداي-اق قانداستار ماسەلەسىنە «ەگەمەن قازاقستان» رەسپۋبليكالىق گازەتى بەيجاي قارامايتىنىن العا تارتىپ, ەلىمىزدىڭ باس گازەتىندە وزبەكستان, موڭعوليا, تۇركيا, رەسەي جانە يرانداعى قانداستارىمىزعا قاتىستى ماتەريالدار جۇيەلى تۇردە جاريالانىپ وتىراتىنىن تىلگە تيەك ەتتى. كەزدەسۋ بارىسىندا دارحان قىدىرالى مىرزا بۇگىندە قولعا الىنىپ جاتقان, «وتانداستار» جۋرنالىنىڭ شىعۋىنا جانە اقپاراتتىق كونتەنت جاساۋعا, رەداكتسيالاۋعا قولداۋ كورسەتۋگە دايىن ەكەنىن جەتكىزدى.
ء«بىز اقپاراتتىق قولداۋ كورسەتۋگە ءاردايىم دايىنبىز. «ەگەمەن قازاقستان» گازەتىندە شەتتەگى قانداستارعا, ەلگە قونىس اۋدارىپ كەلگەن قانداستارعا اسا كوڭىل بولۋگە تىرىسىپ وتىرامىز. شالعايداعى قازاقتارعا قاتىستى ارنايى ماتەريالدار جازىلدى. الداعى ۋاقىتتا قانداستار ماسەلەسىن كوتەرەتىن ارنايى ايدار اشۋعا دا بولادى», دەدى د.قىدىرالى.
تاراپتار ىنتىماقتاستىق قالىپتاستىرۋ ماقساتىندا بىرلەسكەن باعدارلامالار مەن قازاق دياسپوراسىنا ارنالعان ءىس-شارالار جۇمىسىنا اقپاراتتىق قولداۋ كورسەتۋ ءۇشىن جوبالار مەن باعدارلامالار جاساۋعا كەلىسىپ ەكى جاقتى مەموراندۋمعا قول قويۋعا ۋاعدالاستى.
