ءبىر كۇندە پوليتسەيلەر ءتيىستى قۇجاتسىز «تاكسي» قىزمەتىمەن اينالىسقان وزبەكستان مەن تاجىكستاننىڭ ءۇش ازاماتىن ۇستادى. جۇرگىزۋشىلەر «Yandex» ءموبيلدى قوسىمشاسىن پايدالانىپ جولاۋشى تاسىمالداعان.
شەتەلدىكتەرگە قاتىستى قر اقبتك-ءنىڭ 463-بابى بويىنشا اكىمشىلىك حاتتاما تولتىرىلىپ, اۆتوكولىكتەر كوممۋنالدىق تۇراققا قويىلدى.
ەلوردادا «قاۋىپسىز جول» ايلىعى ءوتىپ جاتىر. اتالعان شارا باستالعالى بەرى 3 مىڭعا جۋىق جول ەرەجەسىن بۇزۋ فاكتىسى انىقتالدى. ونىڭ ىشىندە 39-ىن قوعامدىق كولىك جۇرگىزۋشىلەرى جاساعان. قاۋىپسىزدىك بەلدىگىن تاقپاعانى ءۇشىن 500-دەن استام جۇرگىزۋشى, مانەۆر جاساۋ ەرەجەسىن بۇزعانى ءۇشىن 100-دەن استام, باعدارشامنىڭ تىيىم سالىنعان سيگنالىنا وتكەنى ءۇشىن 168 جانە قارسى جولاققا شىققانى ءۇشىن 22 جۇرگىزۋشىگە ايىپپۇل سالىندى.
