جوعارى تەحنولوگيالىق مەديتسينالىق كومەكتى كەڭەيتۋ ماقساتىندا گيبريدتى وپەراتسيالىق بولمەدە جاسالعان ج ۇلىن نەيروحيرۋرگياسىندا, سونداي-اق تراۆماتولوگيا مەن ورتوپەديا سالاسىندا بۋىننىڭ 155 گرادۋسقا دەيىن تولىق بۇگىلۋىنە مۇمكىندىك بەرەتىن بىرەگەي تىزە پروتەزىن قولداناتىن جاڭا تەحنولوگيالار ەنگىزىلدى. تىزە بۋىنىنىڭ پروتەزىن ورناتۋ وپەراتسياسى ۇندىستاندىق حيرۋرگتارمەن بىرلەسىپ اۋرۋحانا بازاسىندا تۇڭعىش رەت جاسالعانىن اتاپ وتكەن ءجون. اتالعان تەحنولوگيا «كلينيكاداعى كلينيكا» جوباسى اياسىندا تاجىريبەگە ەنگىزىلىپ وتىر.
دياگنوستيكالىق قىزمەت تۇرلەرىن كوبەيتۋ ءۇشىن دەربەس گەنومدىق جانە يممۋندىق-گيستوحيميالىق دياگنوستيكا سالاسىندا 2 تەحنولوگيا, وڭالتۋ قىزمەتتەرىن جەتىلدىرۋ ءۇشىن 2 تەحنولوگيا ەنگىزىلدى (COVID-تەن كەيىنگى سيندرومدى وڭالتۋ).
سونىمەن قاتار پروكتولوگيا جانە ۋرولوگيا سالاسىنا ەكى ميني-ءينۆازيۆتى تەحنولوگيا قولدانىلا باستادى. مۇنداي وپەراتسيالار ناۋقاس ءۇشىن اناعۇرلىم جەڭىل وتەدى, ولاردىڭ وپەراتسيادان كەيىن قالپىنا كەلۋى مەن كۇندەلىكتى بەلسەندىلىگىنىڭ جاقسارۋى وڭايلايدى, جاناما اسەرلەر از بولادى.
قر ءپىب مەديتسينالىق ورتالىعىنىڭ اۋرۋحاناسى قازاقستاندا العاش رەت 2 جاڭا تەحنولوگيانى ەنگىزگەنىن دە اتاپ وتكەن ءجون. بۇل – مي گليوماسى كەزىندە مۋتاتسيانى مولەكۋلالىق-گەنەتيكالىق دياگنوستيكالاۋ جانە ج ۇلىن كونۋسىنىڭ كۇرەتامىر فيستۋلاسىن ارالاس ەمدەۋ (ەندوۆاسكۋليارلىق جانە ميكروحيرۋرگيالىق). ج ۇلىن كونۋسىنىڭ كۇرەتامىر فيستۋلاسىن ارالاس ەمدەۋ گيبريدتى وپەراتسيالىق بولمەدە جوعارى تەحنولوگيالىق زاماناۋي Kinevo 900 ميكروسكوبىن پايدالانىپ جاسالادى. وپەراتسيا ج ۇلىن قان اينالىمىنىڭ دۇرىستالىپ, نەۆرولوگيالىق بەلگىلەردىڭ قالپىنا كەلۋىنە مۇمكىندىك بەرەدى.
وسى اتالعان تەحنولوگيالاردى قولدانۋ ارقىلى مەديتسينالىق ورتالىق اۋرۋحاناسىندا 49 ناۋقاس ەمدەلىپ, 574 ەمدەلۋشىگە دياگنوستيكا جاسالدى.
