جيىندا كووپەراتيۆتەر جانە ەكونوميكالىق قوعامداستىقتاردىڭ باسقا دا نىساندارى ۇلتتىق قاۋىمداستىعىنىڭ پرەزيدەنتى قازىبەك شايحتىڭ ۇسىنىستارىنا ەرەكشە نازار اۋدارىلدى. ونىڭ ايتۋىنشا, كووپەراتسيا باعدارلامالارى ارقىلى جەرگىلىكتى تۇرعىندار مەن كوپبالالى انالاردى قولداۋ سالانىڭ دامۋىنا وڭ اسەرىن تيگىزەدى, سونداي-اق بيۋدجەتكە جۇكتەمەنى ازايتادى.
سونداي-اق مەملەكەتتەن پرەفەرەنتسيالار الۋ سياقتى وزەكتى ماسەلە كوتەرىلدى. بۇگىندە جول بويىنداعى قىزمەت كورسەتۋ نىساندارى ءۇشىن جقس سالۋ كەزىندەگى شىعىنداردىڭ 10%-ىن وتەۋ جانە سانيتارلىق-گيگيەنالىق توراپتاردى ۇستاۋعا اي سايىن 83 300 تەڭگە مولشەرىندە سۋبسيديالار سياقتى قولداۋ شارالارى بار.
وتەم الۋعا وتىنىمدەردى كاسىپكەرلىك جانە تۋريزم باسقارماسىنا 1 ناۋرىزعا دەيىن, ال سانيتارلىق-گيگيەنالىق توراپتاردى سۋبسيديالاۋعا جىلدىڭ سوڭىنا دەيىن بەرۋ قاجەتتىگى ايتىلدى.
سونىمەن قاتار ۇكپ تۋريزم دەپارتامەنتىنىڭ ساراپشىسى اسەل كوبەنتاەۆا اتاپ وتكەندەي, بۇگىندە قولداۋ شارالارى بويىنشا ەرەجەلەر پىسىقتالۋدا. قازىرگى ۋاقىتتا ادىلەت مينيسترلىگىندە بەكىتۋگە وتىنىمدەردى قابىلداۋ مەرزىمىن جىلىنا ەكى رەتكە ۇزارتۋ بويىنشا باستاما قارالىپ جاتىر.
ء«بىز ماڭىزدى ماسەلە – جول بويىنداعى قىزمەت كورسەتۋ وبەكتىلەرىن دامىتۋدى, ونىڭ ىشىندە اۆتوجانارماي قۇيۋ ستانسالارىنىڭ, جىلى دارەتحانالاردىڭ قۇرىلىسى ماسەلەلەرىن تالقىلادىق. بۇگىنگى تاڭدا بۇل سالادا ءبىرشاما قيىندىق بار. سوندىقتان تالقىلانعان ماسەلەلەردى ەسەپكە الىپ, ولاردى قىسقا مەرزىمدە شەشۋ ءۇشىن بار كۇش-جىگەرىمىزدى سالامىز», دەپ ءسوزىن تۇيىندەدى كوميتەت توراعاسى.
