قازاقستان • 28 شىلدە، 2022

بىلىكتىلىگىن ارتتىرادى

57 رەت كورسەتىلدى

ەلىمىزدە ەكى مىڭنان استام اۋىل، اۋىلدىق وكرۋگ اكىمدەرى جانە اmanat پارتياسىنىڭ اۋماقتىق فيليالدارىنىڭ اتقارۋشى حاتشىلارى وقىتىلدى. ارنايى كۋرستاردى AMANAT پارتياسىنىڭ ساياسي مەنەدجمەنت اكادەمياسى ەل ۇكىمەتىمەن بىرلەسىپ ىسكە اسىرىلىپ كەلە جاتقان «اۋىل اماناتى» جوباسى اياسىندا ازىرلەدى.

وسى جىلدىڭ 13 ماۋسىم مەن 20 شىلدە ارالىعىندا اmanat پارتياسىنىڭ ساياسي مەنەدجمەنت اكادەمياسى «اۋىل اماناتى» جوباسى اياسىندا ەلىمىزدەگى 17 ءوڭىردىڭ اۋىل جانە اۋىلدىق وكرۋگ اكىمدەرىن كەشەندى وقىتۋدان وتكىزدى. ولاردىڭ 89 پايىزى ەر، 8 پايىزى ايەل (192 ادام). وقىتۋ ۇيىمداستىرۋشىلاردىڭ ايتۋىنشا، وقىتۋ «تابىستى كوبەيتۋ ماقساتىندا حالىقتىڭ ەكونوميكالىق بەلسەندىلىگىن ارتتىرۋ سالاسىندا باسشىنىڭ بىلىكتىلىگىن جەتىلدىرۋ» تاقىرىبىندا كوشپەلى 3 كۇندىك سەمينار فورماتىندا ۇيىمداستىرىلعان. اتالعان ءىس-شاراعا ءتيىستى سەرتيفيكاتى بار 30 ترەنەر، اۋىل شارۋاشىلىعى، ونەركاسىپ جانە تۋريزم سالاسىنداعى ساراپشىلار شاقىرىلعان. 

«ولار جالپى سانى 80 سەمينار وتكىزدى. ارنايى كۋرسقا قاتىسقان ازاماتتار ماركەتينگتىك تالداۋ جۇرگىزۋدى جانە اۋىل ەكونوميكاسىن دامىتاتىن بولاشاعى بار باعىتتاردى انىقتاۋدى ۇيرەندى»، دەدى ساياسي مەنەدجمەنت اكادەمياسى ديرەكتورىنىڭ مىندەتىن اتقارۋشى ساۋلە باقتىمبەت ءبىلىم بەرۋ باعدارلاماسىنىڭ قورىتىندىسى جاريالانعان بريفينگتە.

اmanat پارتياسىنىڭ كەزەكتەن تىس ءححىى سەزىندە مەملەكەت باسشىسى ق.توقاەۆ باسشىلاردى دايارلاۋ ساپاسىن جاقسارتۋدى، جۇيەلى، تولىققاندى دايىندىق باعدارلامالارىنا كوشۋدى، سونداي-اق جەرگىلىكتى جەرلەردە پارتيا اكتيۆىن وقىتۋ ءۇشىن كوشپەلى ترەنينگتەر وتكىزۋدى تاپسىرعان بولاتىن. وسى ورايدا، ساياسي مەنەدجمەنت اكادەمياسى پارتيالىق وقىتۋ جۇيەسىندە جاڭا ءارى ساپالى ءتاسىلدى قولعا الۋدى ۇيعارعان.

«ەلىمىزدەگى الەۋمەتتىك-ەكونو­ميكالىق جانە ساياسي جاڭارۋدى ەسكەرە وتىرىپ، دەپۋتاتتارعا، اكىمدەر مەن پارتيا بەلسەندىلەرىنە ارنالعان زاماناۋي وقىتۋ باعدارلامالارى ازىرلەندى»، دەپ اتاپ ءوتتى س.باقتىمبەت.

«اۋىل اماناتى» پارتيالىق جوباسى – بيىل 14 ساۋىردە قابىلدانعان «حالىقتىڭ تابىسىن ارتتىرۋدىڭ 2025 جىلعا دەيىنگى باعدارلاماسى» كەشەندى جوسپارىنىڭ قوسالقى باعدارلاماسى. جوبا – اۋىل شارۋاشىلىعى تاۋارىن وندىرۋشىلەردى جان-جاقتى قولداۋ، اۋىل تۇرعىندارىن اگرارلىق بيزنەسكە بارىنشا تارتۋ، ازىق-ت ۇلىك قاۋىپسىزدىگىنە جانە ازاماتتاردىڭ ءومىر ءسۇرۋ ساپاسىن جاقسارتۋعا بايلانىستى ماسەلەلەردى شەشۋدى كوزدەيدى. وسى ماقساتتارعا قول جەتكىزۋ ءۇشىن پارتيا جانىنان ارنايى جوبالىق كەڭسە دە ىسكە قوسىلعان.

« ۇلى دالا» اۋىل بيزنەسىن دامىتۋ قاۋىمداستىعى» قب پرەزيدەنتى اقمارال بەكمۇرزاەۆانىڭ سوزىنە سۇيەنسەك، قازاقستاندا جەكە قوسالقى شارۋاشىلىقتاردىڭ جيىنتىق ۇلەسىنە ازىق-ت ۇلىك تاۋارلارى ءوندىرىسىنىڭ 70 پايىزى تيەسىلى. «بۇل كورسەتكىش ەلدىڭ ەكونوميكالىق كليماتىن قالىپتاستىراتىن اۋىلدار مەن اۋىلدىق وكرۋگتەردى دامىتۋ قانشالىقتى ماڭىزدى ەكەنىنىڭ دالەلى بولا الادى. ءبىز كۋرسقا قاتىسۋشىلاردى ساۋاتتى بيزنەس-جوسپارىن ازىرلەۋگە، جوبانى قارجىلاندىرۋ كوزىن ىزدەۋگە ۇيرەتۋگە تىرىستىق. كووپەراتيۆ قۇرۋ مەن ءونىم وتكىزۋ تىزبەگىن قالىپتاستىرۋ جونىندە ترەنينگتەر ۇيىمداستىرىلدى. تەحنولوگيالىق كارتالار ۇسىنىسى قاتاڭ ساقتالعان جاعدايدا عانا ءونىمدى وندىرىسكە قول جەتكىزۋگە بولادى. تۇرعىنداردىڭ تابىسىن ارتتىرۋدى تالاپ ەتىپ قانا قويماي، ونىڭ قالاي ىسكە اسىرىلاتىنىن كورسەتۋ ماڭىزدى»، دەدى ا.بەكمۇرزاەۆا.

ترەنينگكە قاتىسقان بىرقاتار اكىم وقىتۋ كۋرسى اسەرىمەن ءبولىستى. «دارىسكەرلەر ماركەتينگتىڭ زاماناۋي قۇرالدارىنىڭ نەگىزدەرىن، بولاشاعى بار بيزنەس-جوبالاردى انىقتاۋ ادىستەرىن ناقتى مىسالدارمەن ءتۇسىندىردى. ماسەلەن، جەمشوپ دايىنداۋ، ەت جانە ءسۇت باعىتىنداعى مال شارۋاشىلىعىن دامىتۋ، ىرىمشىك جاساۋ جانە تاعى باسقا وزەكتى باعىتتار مىسالىندا بيزنەس-جوسپارلار جاسادىق. جۇمىس داپتەرىندە جوبالاردىڭ ناقتى ەسەبى قامتىلعان. العان ءبىلىمىمىز تۇرعىندار تابىسىن ارتتىرۋعا، تۇراقتى جۇمىس ورىندارىن قۇرۋعا كومەكتەسەدى دەپ سەنەمىن»، دەدى اقمولا وبلىسى شورتاندى اۋدانى بەكتاۋ اۋىلدىق وكرۋگىنىڭ اكىمى اسقار ماحفۋز. 

بيىل اۋداندىق ماڭىزى بار قالالار، اۋىلدار، كەنتتەر مەن اۋىلدىق وكرۋگتەر اكىمدەرىنىڭ العاشقى تىكەلەي سايلاۋىنىڭ قورىتىندىسى بويىنشا Amanat پارتياسىنىڭ مۇشەلەرى 87،3 پايىزبەن جەڭىسكە جەتكەن بولاتىن. ايماقتاردا پارتيادان ۇسىنىلعان 746 كانديدات، سونداي-اق ءوزىن-ءوزى ۇسىنعان 124 ادام اكىمدىككە سايلاندى. ولاردىڭ كوبى – باستاۋىش پارتيا ۇيىمدارىنىڭ توراعالارى مەن پارتياىشىلىك پرايمەريز قاتىسۋشىلارى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار