ەلىمىز نەبارى 15 جىلدا قارقىندى دامۋشى مەملەكەتتەردىڭ بەستىگىنە قوسىلدى

استانا. 4 مامىر. مەملەكەت باسشىسى ازيا دامۋ بانكى باسقارۋشىلار كەڭەسىنىڭ 47-وتىرىسىندا ەل ەكونوميكاسىنىڭ دامۋى تاريحىنا جان-جاقتى توقتالدى. بۇل تۋرالى Bnews.kz حابارلادى. باسقوسۋدا نۇرسۇلتان نازارباەۆ: «بۇگiن بiز ۇلى جiبەك جولىن جاڭعىرتۋدىڭ جاڭا كەزەڭiن بايقاپ وتىرمىز, ول ازيا دامۋىنىڭ جاڭا كەزەڭi بولاتىندىعىنا سەنiمدiمiن. بۇل ءۇشiن بارلىق جاعداي بار. ازيا – قىتاي, ءۇندiستان, جاپونيا, وڭتۇستىك كورەيا جانە ت.ب. ازيانىڭ دامۋشى ەلدەرiن بiرiكتiرەتiن سەرپiندi دامىپ كەلە جاتقان ايماق. بۇل – تۇتىنۋشىلار سۇرانىسىن قامتاماسىز ەتەتiن الەمنiڭ كوپ حالقى شوعىرلانعان ايماق. ساراپشىلاردىڭ ايتۋىنشا, 2050 جىلى الەمدiك ساۋدانىڭ جارتىسىنان كوبi, ينۆەستيتسيا مەن جالپى ىشكى ءونىم ازيادا جيناقتالماق. بۇل گۇلدەنۋدiڭ جاڭا ستسەناريi, ازيا عاسىرىنىڭ باستالۋى. بiزگە بارلىق كۇشتi بiرiكتiرۋ كەرەك», – دەدi. سونىمەن قاتار, پرەزيدەنت مەملەكەتىمىزدىڭ دامۋى بارىسىن ءسوز ەتە وتىرىپ, 1997 جىلدان بەرى جالپى ىشكى ءونىمنىڭ ارتقاندىعىنا, جەدەل دامۋشى ەلدەردىڭ الدىڭعى بەستىگىنە ەنگەنىمىزگە ناقتى دالەلدەر كەلتىردى. پرەزيدەنت: «1997 جىلدان بەرى قازاقستاننىڭ جالپى ىشكى ءونىمى 10 ەسەگە ارتتى. ونىڭ ورتاشاجىلدىق ءوسىم قارقىنى شامامەن 6 پايىزدى قۇرادى. قازاقستان قارقىندى دامۋشى ەلدەردىڭ بەستىگىنە نەبارى 15 جىلدا ەندى. ەكونوميكانىڭ ۇدايى ءوسىمى ەل حالقىنىڭ تابىسىن ەكى ەسەگە ارتتىرۋعا كومەكتەستى. كەدەيشىلىك دەڭگەيى 38 پايىزدان 3 پايىزعا دەيىن, ياعني, 13 ەسەگە ازايدى», – دەدى. جولدىباي بازار. دەرەككوز: Bnews.kz. فوتو: Bnews.kz.