قارجى ينستيتۋتىنىڭ مەنشىك كاپيتالى بىردەن 77,8 پايىزعا, 698,7 ملرد تەڭگەگە دەيىن وسكەن. بانك كورسەتكىشتەرى رەتتەۋشىنىڭ پرۋدەنتسيالدى نورماتيۆتەرى بويىنشا مينيمالدى تالاپتارىنان اسىپ تۇسەدى. ماسەلەن, مەنشىك كاپيتالىنىڭ جەتكىلىكتىلىك كوەففيتسيەنتى (k1) 0,283-ءتى قۇراعان. بۇل – قازاقستاندىق ءىرى كوممەرتسيالىق بانكتەر اراسىنداعى ۇزدىك كورسەتكىش. ۇزدىك وندىقتاعى بانكتەر اراسىنداعى ءبىرشاما جوعارى كورسەتكىش تەك مەملەكەتتىك «وتباسى بانك» پەن «سيتيبانكتە» عانا بار. ءوز كەزەگىندە Jusan Bank-ءتىڭ وتىمدىلىك كوەففيتسيەنتى (k4) 2,191-ءدى قۇرايدى. بۇل دا ءتاۋىر كورسەتكىش.
ەكىنشى ورىندا – «بانك تسەنتركرەديت». قارجى ينستيتۋتىنىڭ مەنشىك كاپيتالى ءبىر جىل ىشىندە 33,6 پايىزعا, 276,5 ملرد تەڭگەگە دەيىن كوتەرىلگەن. بۇل تسيفر – ەكىنشى دەڭگەيلى بانكتەردىڭ جيىنتىق كاپيتالىنىڭ 5,1 پايىزى دەگەن ءسوز. بانكتىڭ مەنشىك كاپيتالىنىڭ جەتكىلىكتىلىك كوەففيتسيەنتى 0,135 بولسا, وتىمدىلىك كوەففيتسيەنتى 1,133-كە باعالانعان.
ۇزدىك ۇشتىكتى ەڭ الەۋەتتى ەكوجۇيە قۇرۋمەن ەرەكشەلەنىپ وتىرعان Kaspi Bank تۇيىندەيدى. سوڭعى ءبىر جىل كولەمىندە قارجى ۇيىمىنىڭ مەنشىك كاپيتالى 28,9 پايىزعا وسكەن. تەڭگەگە شاقساق, 488 ملرد تەڭگەگە جەتكەن. وسىلايشا, Kaspi-ءدىڭ مەنشىك كاپيتالى بۇكىل سەكتورداعى جيىنتىق كاپيتالدىڭ 8,9 پايىزىن ەنشىلەيدى. بانكتە k1 كورسەتكىشى – 0,125, k4 – 1,413-كە تەڭ.
سونىمەن قاتار ەكىنشى دەڭگەيلى بانكتەر اكتيۆتەرى بيىل مامىردىڭ ناتيجەسى بويىنشا 9 پايىزعا, 37,1 ترلن تەڭگەگە دەيىن ۇلعايعان. اكتيۆتەر كولەمى بويىنشا ءبىرىنشى ورىندا – Jusan Bank (2,4 ترلن تەڭگە). ءبىر جىلدا قارجى ينستيتۋتى اكتيۆ كولەمىن 41,6 پايىزعا ارتتىرعان. ەكىنشى ورىندا – 12 اي مەرزىم ىشىندە اكتيۆ كولەمىن 39 پايىزعا كوبەيتە العان «بانك تسەنتركرەديت» (2,7 ترلن تەڭگە). ءۇشىنشى ورىندا – «وتباسى بانك». تەك قانا تۇرعىن ءۇي يپوتەكاسى كاتەگورياسىندا جۇمىس ىستەيتىن بۇل بانك ءوز اكتيۆىن ءبىر جىل ىشىندە 32,9 پايىزعا ارتتىرعان. جالپى, اكتيۆ كولەمى 3,1 ترلن تەڭگەگە باعالانادى.
