استانا. 2 مامىر. بۇگىن قىزىلوردا وبلىسىنىڭ اكىمى قىرىمبەك كوشەرباەۆ بىرقاتار كادرلىق وزگەرىستەر جاسالدى. بۇل تۋرالى وبلىس اكىمى ءباسپاسوز قىزمەتىنىڭ دەرەگىنە سىلتەمە جاساعان egemen.kz ءتىلشىسى حابارلادى.
قازاقستان رەسپۋبليكاسى پرەزيدەنتىنىڭ جانە وبلىس اكىمىنىڭ وكىمدەرىمەن قوجانيازوۆ سەرىك سالاۋات ۇلى وبلىس اكىمىنىڭ ورىنباسارى, قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى بولىپ تاعايىندالدى. وبلىس اكىمىنىڭ وكىمىمەن دۇيسەباەۆ تالعات تۇرسىن ۇلى - جالاعاش اۋدانىنىڭ اكىمى, سارسەنباەۆ قايراتبەك اۋباكىر ۇلى شيەلى اۋدانىنىڭ اكىمى بولىپ بەكىتىلدى.
سەرىك قوجانيازوۆ 1965 جىلى قىزىلوردا قالاسىندا تۋعان. كۋزباسس پوليتەحنيكالىق ينستيتۋتىن - ينجەنەر-مەحانيك جانە ن.ل. گۋميلەۆ اتىنداعى ەۋرازيالىق ۇلتتىق ۋنيۆەرسيتەتىن ەكونوميست ماماندىقتارى بويىنشا بىتىرگەن. ەڭبەك جولىن 1989 جىلى قىزىلوردا جوندەۋ-مەحانيكالىق زاۋىتىندا ينجەنەر-تەحنولوگ بولىپ باستاعان. 2001-2004 جىلدارى وبلىس اكىمى اپپاراتىنىڭ يندۋستريالىق دامۋ ءبولىمىنىڭ مەڭگەرۋشىسى, 2005-2007 جىلدارى وبلىستىق كاسىپكەرلىك جانە ونەركاسىپ دەپارتامەنتىنىڭ ديرەكتورى, 2007-2008 جىلدارى قىزىلوردا قالاسىنىڭ اكىمى, 2008-2012 جىلدارى قازاقستان رەسپۋبليكاسى پرەمەر-ءمينيسترى كەڭسەسىنىڭ ۇيىمداستىرۋ جۇمىسى جانە وڭىرلىك دامۋ ءبولىمىنىڭ باس ينسپەكتورى, ءبولىم مەڭگەرۋشىسىنىڭ ورىنباسارى لاۋازىمدارىندا قىزمەت اتقاردى. 2012 جىلدان وسى كەزگە دەيىن قازاقستان رەسپۋبليكاسى پرەمەر-ءمينيسترى كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى بولىپ كەلدى.
وسى كەزگە دەيىن وبلىس اكىمىنىڭ ورىنباسارى, قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى قىزمەتىن اتقارىپ كەلگەن نۇرتاەۆ رزاقۇل سادەن ۇلى باسقا جۇمىسقا اۋىسۋىنا بايلانىستى اتقاراتىن قىزمەتىنەن بوساتىلدى.
تالعات دۇيسەباەۆ 1973 جىلى تۋعان. قىزىلوردا پوليتەحنيكالىق ينستيتۋتىن - بۋحگالتەر-ەكونوميست, قازتۇتىنۋوداعى قاراعاندى ەكونوميكالىق ۋنيۆەرسيتەتىن زاڭگەر ماماندىقتارى بويىنشا بىتىرگەن. ەڭبەك جولىن جالاعاش اۋداندىق جاسوسپىرىمدەر سپورت مەكتەبىندە دەنە شىنىقتىرۋشى رەتىندە باستاعان. 1994-1998 جىلدارى اۋداندىق ءبىلىم ءبولىمىنىڭ ەسەپشىسى, 1998-2004 جىلدارى اۋدان اكىمى اپپاراتىنىڭ ەكونوميكا جانە كاسىپكەرلىكتى قولداۋ سەكتورىنىڭ باس مامانى, 2004-2006 جىلدارى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ ءبولىم باستىعى, 2006-2011 جىلدارى وبلىستىق اۋىل شارۋاشىلىعى باسقارماسى باستىعىنىڭ ورىنباسارى, 2011 جىلدان وبلىستىق اۋىل شارۋاشىلىعى باسقارماسىنىڭ باسشىسى بولىپ كەلدى.
وسى كەزگە دەيىن جالاعاش اۋدانىنىڭ اكىمى بولىپ كەلگەن سەرماعامبەتوۆ سەرىك ساعيتجان ۇلى باسقا جۇمىسقا اۋىسۋىنا بايلانىستى اتقاراتىن قىزمەتىنەن بوساتىلدى.
قايراتبەك سارسەنباەۆ 1961 جىلى قىزىلوردا وبلىسى سىرداريا اۋدانىندا تۋعان. جامبىل گيدرومەليوراتيۆتىك-قۇرىلىس ينستيتۋتىن - ينجەنەر-گيدروتەحنيك, قازاق اۋىلشارۋاشىلىق ينستيتۋتىن - اۋىلشارۋاشىلىق كاسىپورىنداردىڭ ۇيىمداستىرۋشىسى-ەكونوميست, قورقىت اتا اتىنداعى قىزىلوردا مەملەكەتتىك ۋنيۆەرسيتەتىن ەكونوميست-بۋحگالتەر ماماندىقتارى بويىنشا بىتىرگەن. ەڭبەك جولىن 1983 جىلى سىرداريا اۋداندىق سۋلاندىرۋ جۇيەلەرى باسقارماسىنىڭ ينجەنەرى رەتىندە باستاعان. 1986-1996 جىلدارى اۋداندىق كومسومول كوميتەتىندە, حالىقتىق باقىلاۋ كوميتەتىندە جانە حالىق دەپۋتاتتارى اۋداندىق كەڭەسىندە ءتۇرلى لاۋازىمداردا قىزمەت اتقارعان. 1996-1999 جىلدارى «قازاگروپرومبانك» اق سىرداريا اۋداندىق بولىمشەسىنىڭ باسقارۋشىسى, سىرداريا اۋدانى اكىمىنىڭ ءبىرىنشى ورىنباسارى, وبلىس اكىمىنىڭ اپپاراتىندا ءبولىم مەڭگەرۋشىسى, 1999-2012 جىلدارى سىرداريا اۋدانى اكىمىنىڭ ورىنباسارى قىزمەتىندە بولدى. 2012 جىلدان وسى كەزگە دەيىن وبلىستىق قارجى باسقارماسىنىڭ باسشىسى بولىپ كەلدى.
وسى كەزگە دەيىن شيەلى اۋدانىنىڭ اكىمى قىزمەتىن اتقارىپ كەلگەن ەرگەشباەۆ مۇرات ءنالحوجا ۇلى باسقا جۇمىسقا اۋىسۋىنا بايلانىستى قىزمەتىنەن بوساتىلدى.
مۇرات ايتقوجا.
دەرەككوز: قىزىلوردا وبلىسى اكىمىنىڭ ءباسپاسوز قىزمەتى.
فوتو: wikimapia.org.
