حالىقارالىق ماڭىزدى ىنتىماقتاستىق

كەشە, اقوردادا قازاقستان رەس­­پۋب­­لي­كاسىنىڭ پرەزيدەنتى نۇر­سۇلتان نازارباەۆ دۇنيەجۇزىلىك بانك باسشىلىعىمەن كەزدەستى. كەزدەسۋگە قازاقستان رەسپۋب­ليكاسىنىڭ پرەمەر-ءمينيسترى كارىم ءماسىموۆ, دۇنيەجۇزىلىك بانكتىڭ ەۋروپا جانە ورتالىق ازيا ەلدەرى بويىنشا ۆيتسە-پرە­زي­دەنتى لورا تاك, حالىقارالىق قار­جى كورپوراتسياسىنىڭ ازيا-تىنىق مۇحيتى وڭىرلەرى ءجو­نىندەگى ۆيتسە-پرەزيدەنتى كارين ف.فينكەلستون, دۇنيەجۇزىلىك بانكتىڭ ورتالىق ازيا بويىنشا وڭىرلىك ديرەكتورى سارودج كۋمار دجا, دۇنيەجۇزىلىك بانكتىڭ ينۆەستيتسياعا كەپىلدىك بەرۋ جونىندەگى كوپتاراپتى اگەنتتىگىنىڭ اتقارۋشى ۆيتسە-پرەزيدەنتى كەيكو حوندا, دۇنيەجۇزىلىك بانكتىڭ قازاق­ستانداعى تۇراقتى وكىلى شەبنەم اككايا قاتىستى. مەملەكەت باسشىسى بۇل كەز­دەسۋدىڭ قازاقستان حالقىنىڭ ءبىر­لىگى كۇنىنە تۇسپا-تۇس كەلۋىنىڭ نى­شاندىق ءمانىن اتاپ ءوتىپ, ماڭىزدى الەۋمەتتىك جانە ينفراقۇرىلىمدىق جوبالاردى ءىس جۇزىنە اسىرۋعا جانە قازاقستان ەكونوميكاسىن دامىتۋعا بەلسەندى كومەك كورسەتىپ وتىرعانى ءۇشىن دۇنيەجۇزىلىك بانك تاراپىنا العىس سەزىمىن ءبىلدىردى. پرەزيدەنت دۇنيەجۇزىلىك بانك قازاقستان ءۇشىن ماڭىزدى حالىق­ارالىق ەكونوميكالىق ارىپتەس ەكەندىگىن, ال ونىڭ قىزمەتى مەملەكەت تاراپىنان دا, ىسكەرلىك قاۋىمداستىق تاراپىنان دا تۇراقتى تۇردە جوعارى باعاعا يە بولىپ وتىرعاندىعىن اتاپ كورسەتتى. كەزدەسۋ بارىسىندا قازاقستان رەسپۋبليكاسىنىڭ تۇراقتى دامۋىن جانە ءوسۋىن قامتاماسىز ەتۋ ماق­ساتىنداعى ىنتىماقتاستىقتى كۇشەيتۋ جونىندە قازاقستان رەسپۋب­ليكاسى ۇكىمەتى جانە حالىق­ارا­لىق قايتا قۇرۋ جانە دامۋ بان­­كىنىڭ, حالىقارالىق قارجى كور­پوراتسياسىنىڭ, ينۆەستيتسياعا كەپىل­دىك بەرۋ جونىندەگى كوپتاراپتى اگەنت­تىك اراسىندا سەرىكتەستىك تۋرالى شەكتەلمەلى كەلىسىمگە قول قويىلدى. شەكتەلمەلى كەلىسىمگە سايكەس دۇنيەجۇزىلىك بانك توبى قازاق­ستانعا ەكونوميكانىڭ شيكىزاتتىق ەمەس سالاسىنا ينۆەستيتسيا تار­تۋعا باسىمدىق بەرە وتىرىپ, قازاقستاننىڭ باسەكەگە قابى­لەت­تىلىگىن ارتتىرۋعا جانە ەكونوميكانى ارتاراپتاندىرۋعا, كاسىپكەرلىكتى دامىتۋ جانە يننوۆاتسياعا, شاعىن جانە ورتا بيزنەستى دامىتۋدى ىنتالاندىرۋعا, ينستيتۋتتىق جانە ادام كاپيتالىن دامىتۋعا, وڭىرلىك تۇراقتى دامۋدى قامتاماسىز ەتۋ بويىنشا مەملەكەتتىك قىزمەتتىڭ جانە شارالاردىڭ قولجەتىمدىلىگىن جانە ساپاسىن ارتتىرۋعا 2,5 ملرد. دوللار قارجى بولەتىن بولادى. مەملەكەت باسشىسى ىنتى­ماق­تاس­تىق 7 باعىت بويىنشا ءىس جۇزىنە اسىرىلاتىندىعىن, ولار­دىڭ ارقايسىسى بويىنشا جەكە باعدار­لاما بەلگىلەنەتىندىگىن اتاپ ءوتتى. ىنتىماقتاستىق اۋقىمى قار­جى سەكتورىن, شاعىن جانە ورتا بيزنەستى, يننوۆاتسيانى ىنتالان­دىرۋدى جانە ىسكەرلىك احۋالدى جەتىلدىرۋدى, مەملەكەتتىك-جەكە­مەنشىكتىك سەرىكتەستىكتى دامىتۋدى جانە ەكونوميكاعا ينۆەستيتسيا تارتۋدى, كاسىپتىك تەحنيكالىق ءبىلىم بەرۋ جۇيەسىن ءارتاراپتاندىرۋدى جانە كاسىپتىك-تەحنيكالىق كادرلار دايارلاۋدى, وڭىرلەردىڭ تۇراقتى جانە ەكولوگيالىق دامۋىن قامتيتىن بولادى. ەلباسى شەكتەلمەلى كەلىسىمدى ءىس جۇزىنە اسىرۋ ءۇشىن قىسقا مەرزىمنىڭ ىشىندە بارلىق مۇددەلى تاراپتاردىڭ وكىلدەرى كىرەتىن ۇيلەستىرۋ كەڭەسى قۇرىلاتىندىعىن اتاپ كورسەتتى. جوباعا باسشىلىق جاساۋ جانە ونى ءىس جۇزىنە اسىرۋدى ۇيلەستىرۋ پرەمەر-مينيستر كارىم ماسىموۆكە جۇكتەلدى. سۋرەتتەردى تۇسىرگەندەر س.بوندارەنكو, ب.وتارباەۆ.