كاسىپورىن تاراتقان دەرەكتەرگە قاراعاندا, 27-شىلدە كۇنى ەلىمىزدىڭ باتىس, سولتۇستىك-باتىس, سولتۇستىك جارتىسىندا وڭتۇستىك تسيكلوننىڭ ىقپالىنان جاڭبىر جاۋىپ, نايزاعاي وينايدى, سونداي-اق بۇرشاق جاۋىپ, سولتۇستىك-باتىستا داۋىل تۇرادى, وڭتۇستىك-باتىستا تۇندە جانە تاڭەرتەڭ تۇمان تۇسەدى.
رەسپۋبليكا بويىنشا جەل 15-20 م/س-قا دەيىن كۇشەيەدى. قازاقستاننىڭ وڭتۇستىگىندە, شىعىسىندا, ورتالىعىندا جوعارى قىسىمدى القاپتا كۇن جاۋىن-شاشىنسىز بولادى.
تۇركىستان, قىزىلوردا, جامبىل, جەتىسۋ, الماتى وبلىستارىنىڭ باسىم بولىگىندە, اتىراۋ وبلىسىنىڭ وڭتۇستىگىندە, ۇلىتاۋ وبلىسىنىڭ وڭتۇستىك پەن شىعىسىندا توتەنشە ءورت قاۋپى ساقتالادى. كۇندىز الماتى, جەتىسۋ, جامبىل, تۇركىستان, ۇلىتاۋ, قاراعاندى وبلىستارىنىڭ باسىم بولىگىندە, ماڭعىستاۋ, اباي وبلىستارىنىڭ وڭتۇستىگىندە قاتتى ىستىق بولادى.
كۇندىز الماتى وبلىسىنىڭ سولتۇستىگىندە, وڭتۇستىگىندە وتە قاتتى ىستىق بولادى.
