ماسەلەن, رابيعا قۇلمۇرزينا, اجار دۇزەلباەۆا, ءساليما ۋتۋللينا, گۇلنار ساريمانوۆا, كۇلداناي يسيمبەتوۆا –زەينەتكەر بولسا, گۇلجان تەرەكباەۆا – تەمىرجول سالاسىندا مەدبيكە, مانشۇك راحمەتوۆا – كاسىپكەر, گۇلميرا جانە گۇلشارات قۇلماعانبەتوۆالار, جانار الدابەرگەنوۆا – ءۇي شارۋاسىنداعى ايەلدەر, سۆەتا دەربىسالينا – مۇعالىم. قاي-قايسىسىنىڭ دا ارنايى مۋزىكالىق ءبىلىمى جوق بولسا دا, قازاقتىڭ ءان-كۇيىن جانى سۇيەتىن, ونەرگە جاقىن جاندار. انسامبل جەتەكشىسى – ميرا بايسەڭگىروۆا. ول جۇرىن اۋىلدىق مادەنيەت ءۇيىنىڭ كوركەمدىك جەتەكشىسى بولىپ جۇمىس ىستەيدى. «ونەرگە, دومبىراعا جاقىن بولۋىم اتام بايسەڭگىردەن دارىعان دەپ ويلايمىن. مەنىڭ تۋعان جەرىم بايعانين اۋدانى – ءان مەن جىردىڭ بەسىگى, قازاقتىڭ سالت-ءداستۇرىن ەرەكشە ساقتاعان توپىراق. «ساۋلەم-اي» اجەلەر ءانسامبلى قۇرىلۋىنا جۇرىن اۋىلدىق وكرۋگى اكىمى رامازان ۇرگەنىشباەۆتىڭ ىقپالى زور بولدى. اۋىل باسشىسى اجەلەر ءانسامبلىن قۇرۋ ارقىلى ۇلتتىق قۇندىلىقتارىمىزدى دارىپتەپ, ۇمىت بولىپ بارا جاتقان حالىق اندەرىن جاڭعىرتۋ قاجەت دەگەن ويمەن جان-جاقتى قولداۋ كورسەتتى. قازىر رەپەرتۋارىمىز كەڭەيدى, ۇلكەندەردەن ەستىگەن حالىق اندەرىن جازىپ الىپ, ءاننىڭ شىعۋ تاريحى, ورىنداۋشىلارى جونىندە دە دەرەكتەر جيناستىرامىز. ەرتەدە قاراقامىس جارمەڭكەسىندە قىزىل ءانشىنىڭ اندەرى وتە تانىمال بولعان. كەڭەس وكىمەتىنىڭ العاشقى جىلدارى اشتىقتان ولگەن وسى ءانشىنىڭ مۇرالارىن جيناستىرماقشىمىز. وكىنىشتىسى, ەل ىشىندە بارلىق ءاننىڭ تاريحىن جاتقا بىلەتىن قارتتارىمىز ومىردەن ءوتىپ كەتتى. سوعان قاراماستان حالىق ءانى بولىپ ايتىلاتىن ءاننىڭ جۇرناقتارىن ەل ىشىنەن ءالى دە كەزدەستىرۋگە بولادى. ءار مەرەكە سايىن ساحناعا شىققاندا, جاڭا ءبىر حالىق ءانىن دايىنداۋعا تىرىسامىز», دەيدى مايرا بۋرابايقىزى.
«ساۋلەم-اي» ءانسامبلىنىڭ مۇشەلەرى قوعامدىق جۇمىستارعا دا وتە بەلسەندى قاتىسادى. اۋىلداعى تۇرمىسى تومەن, جالعىزباستى انالارعا انالىق اقىل-كەڭەس ايتىپ, بالا تاربيەسى جونىندە تاجىريبەلەرىمەن بولىسەدى. پاندەميا كەزىندە ء«بىز بىرگەمىز!» اكتسياسى اياسىندا اۋىلداعى جالعىزباستى, مۇمكىندىگى شەكتەۋلى جاندارعا بەتپەردە تىگىپ, تەگىن تاراتتى. مۇعالجار اۋدانىنىڭ ورتالىعى قاندىاعاش قالاسىندا وتكەن «ەل ءىشى – ونەر كەنىشى» اۋداندىق كوركەمونەرپازدار بايقاۋىنا قاتىسىپ, «ەڭ ۇزدىك انالار ءانسامبلى» اتاندى. جۇرىن ەلدى مەكەنىنىڭ مادەنيەتىن كوتەرۋگە بەلسەندى تۇردە كىرىسكەن انالاردىڭ اۋىلداردى ارالاۋ جوسپارى بار.
اقتوبە وبلىسى
