پارك ديرەكتورى سەرگەي بىكوۆتىڭ ايتۋىنشا, قوقىستىڭ كوبەيگەنى دەمالۋعا كەلگەن ادامدار سانىنىڭ ايتارلىقتاي ارتقانىمەن بايلانىستى. شىلدە ايىنىڭ باسىنان «بۋراباي» مۇتپ» مم باقىلاۋ-وتكىزۋ بەكەتتەرىنەن 58 278 تۋريست پەن 27 204 كولىك وتكەن.
«كولدەردىڭ جاعالاۋىندا جانە ادام كوپ جينالاتىن جەرلەردە سانيتارلىق تازالاۋ جۇمىسى كۇن سايىن جۇرگىزىلەدى. جۇمىس كۇنى قوقىس ءۇش رەت (ساعات 6.00, 12.00, 19.00-دە), دەمالىس پەن مەرەكە كۇندەرى ءتورت رەت شىعارىلادى (ساعات 6.00, 12.00, 15.00, 19.00-دە). قاجەت كەزدە قوقىستى جيناۋ مەن تاسۋ جۇمىستارى ءۇشىن قوسىمشا رەسۋرس تارتىلادى.
«بۋراباي» ۇلتتىق پاركى اۋماعىندا 60 مەتالل كونتەينەر قويىلعان, ونىڭ 30-ى بۋراباي كولىنىڭ جاعالاۋىنىڭ ماڭىندا ءبىر-بىرىنەن 150 مەتر قاشىق جەردە ورنالاسقان. وعان قوسا ۇساق قوقىسقا ارنالعان 100 جاشىك بار», دەدى سەرگەي بىكوۆ.
«بۋراباي» كۋرورتىنىڭ اۋماعىندا تازالىق پەن ءتارتىپتى قامتاماسىز ەتەتىن مەكەمەلەرگە كەلەر بولساق, بۇل جۇمىستى بۋراباي اۋدانىنىڭ جەرىندە – وسى اۋداننىڭ اكىمدىگى, ال ۇلتتىق پارك اۋماعىندا – «بۋراباي» مۇتپ مەن «بۋراباي دامۋ» جشس جۇزەگە اسىرادى. تابيعي پاركتىڭ تۋريستىك ايماقتارىن جانە كوپشىلىككە ارنالعان دەمالىس ورىندارىن اباتتاندىرۋ بىرلەسىپ اتقارىلادى.
الدىن-الا جاسالعان جوسپارعا سايكەس, وسى ماۋسىمدا ۇلتتىق پاركتىڭ رەكرەاتسيالىق جۇكتەمە كوپ جەرلەرىنە قوسىمشا 100 جاشىك پەن 20 كونتەينەر, بۋراباي كەنتىنىڭ اۋماعىنا 16 كونتەينەر مەن 30 جاشىك قويىلادى.
سونىمەن قاتار بيىل جاز ماۋسىمىنىڭ باسىندا اقمولا وبلىسىنىڭ اكىمدىگى بۋراباي كۋرورتىنا ارناپ قوسىمشا 16 سانيتاريالىق توراپ الدى. ونىڭ 11-ءى ۇلتتىق پارك اۋماعىندا, قالعان 5-ەۋى بۋراباي اۋىلىندا ورناتىلدى. قازىر «بۋراباي» كۋرورتىندا بارلىعى 31 قوعامدىق سانيتاريالىق توراپ جۇمىس ىستەپ تۇر.
ۇلتتىق پارك تەرريتورياسىندا, بۋراباي كولىنىڭ 2,5 شاقىرىمعا سوزىلىپ جاتقان جاعاجايىندا كيىم اۋىستىراتىن 16 كابينا بار. 1 تامىزعا دەيىن «بۋراباي» مۇتپ اۋماعىنداعى قوعامدىق جاعاجايلارعا كيىم اۋىستىراتىن تاعى 5 كابينا قويىلادى.
2022 جىلى شۋچە-بۋراباي كۋرورتتىق ايماعىنا كەلگەن تۋريستەر اعىنى كۇرت ۇلعايعانىن اتاپ وتكەن ءجون. بيىلعى 7 ايدا كەلۋشىلەر سانى 550 مىڭ ادامعا جەتتى (2021 جىلعى كورسەتكىش – 300 مىڭ). جىل سوڭىنا دەيىن تۋريستەر سانى 1 ميلليون بولادى دەگەن بولجام جاسالىپ وتىر.
