بۇل زاماناۋي وپەراتسيانىڭ باستى ارتىقشىلىعى – از ينۆازيۆتىلىگى, ينتراديۋسەردىڭ تەسۋىمەن قيىندىق تۋعىزعان كوكتامىرعا بەرگىشتىڭ جەتۋى جانە ونىڭ ىشىنەن ساۋلە جىبەرىلۋى. حيرۋرگتەر بۇل پروتسەستى شاعىن تولقىندى پەشتىڭ جۇمىسىمەن سالىستىرادى. ويتكەنى ءدال سونداي جىلۋدىڭ اسەرى, تەك قانا بەرگىش ارقىلى بولادى.
«بۇل ءبىر كۇندىك حيرۋرگيا. پاتسيەنت وپەراتسياعا تاڭەرتەڭ كەلەدى. ال كەشكە ۇيىنە ءوز اياعىمەن قايتادى. وعان جەرگىلىكتى انەستەزيا جۇرگىزىلەدى. بۇرىن مۇنداي ناۋقاستاردىڭ اياعىن كەسىپ, كوكتامىرىن الىپ تاستايتىن ەدى. ودان كەيىن ۇزاق ۋاقىت بويى وڭالتۋ جۇرگىزىلەتىن. ەندى ونىڭ ءبىرى دە جوق, پاتسيەنتتەر تەز قالپىنا كەلەدى. قارسى كورسەتىلىمدەرى دە وتە از. ءتورت جىل ىشىندە ءبىز وسىنداي ونداعان وپەراتسيا جاسادىق جانە اۋرۋلاردىڭ قايتالانۋىن كوردىك, اسقىنۋلار ەشكىمدە بولمادى», دەپ اڭگىمەلەدى بەرىك قايكەنوۆ.
ۆاريكوز پروبلەماسى قازاقستاندا وتە وزەكتى, كوبىنەسە ودان كوپبالالى انالار مەن ەگدە ادامدار بەينەت شەگەدى. جاڭا وپەراتسيا ولاردىڭ ءومىرىن اجەپتاۋىر جاقسارتادى. ەۋروپا مەن اقش-تا راديوجيىلىكتەگى ابلياتسيا ءجيى جاسالعانمەن, ءبىزدىڭ ەلىمىزدە ونى سيرەك جاسايدى. ول ماماندار مەن جابدىقتاردىڭ ازدىعىمەن تۇسىندىرىلەدى. اتالعان وپەراتسيا ەندى قر ءپىب مەديتسينالىق ورتالىعى ورتالىق كلينيكالىق اۋرۋحاناسىندا جاسالادى.
